Կենսական նշանակության ճանապարհների վերականգնումը նպաստում է համայնքների սոցիալական զարգացմանը

02-08-2019

Համաշխարհային բանկի և ՀՀ կառավարության համաֆինանսավորմամբ իրականացվող Կենսական նշանակության ճանապարհացանցի բարելավման ծրագրի շրջանակներում ճանապարհների վերականգնման աշխատանքները կատարվում են տեղական շինարարական կազմակերպությունների միջոցով։ Դրանով տեղական ընկերություններն ոչ միայն ձեռք են բերում աշխատանքի փորձ միջազգային ֆինանսավորմամբ ծրագրերով, այլև հզորանում են այդ  ընկերությունների կարողությունները։ Կենսական նշանակության ճանապարհացանցի բարելավման ծրագիրը լուծում է նաև տեղի բնակչության աշխատանքի ապահովման խնդիրը։ Կապալառու կազմակերպությունները շինարարության մեջ ներգրավում են հիմնականում վերականգնվող ճանապարհահատվածների հարակից բնակավայրերի բնակիչների՝ այդպիսով ապահովելով նրանց աշխատանքով։ Ընդ որում, աշխատանքներում ներգրավվում են ոչ միայն բանվորներ և տեղամասի մասնագետներ, այլև կանայք, որոնք աշխատում են կազմակերպության գրասենյակում կամ խոհանոցում։  

Հայրենյաց համայնքի բնակիչ Քնարիկ Սարգսյանն աշխատում է Մ1- Հայրենյաց- Տուֆաշեն- Հ83 ճանապարհահատվածի վերականգնման աշխատանքներն իրականացնող «Կապավոր» ՍՊԸ-ում։ Մասնագիտությամբ տնտեսագետ է. ավարտել է Հայաստանի պետական տնտեսագիտական համալսարանը։ Կատարում է գրասենյակային գործեր։ Աշխատանքից գոհ է։ «Արմենպրես»-ի հետ զրույցում նա նշում է, որ ճանապարհի վերականգնումը երազանքի նման մի բան էր տարածքի բնակչության համար։ Բացի այդ, իր շատ համագյուղացիներ կարողացել են աշխատանք գտնել այդ կազմակերպությունում։

Մ1- Հայրենյաց- Տուֆաշեն- Հ83 ճանապարհի վերականգնման գործում ներգրավված է մոտ 60 աշխատակից, որի մոտ 70 տոկոսը՝ հիմնականում բանվորական աշխատուժը, Հայրենյաց, Տուֆաշեն համայնքների բնակիչներ են։

Այստեղ հոգում են նաև աշխատողների սննդի հարցը` բանվորներին ապահովելով երեքանգամյա սննդով։ Ժամը 07.40-ից սկսվում է նախաճաշը, ժամը 13.00 ճաշի ժամն է, իսկ 19.00՝ ընթրիքի։ Պատրաստված սնունդը տարվում է շինհրապարակներ։ Շինարարները նշում են, որ սնունդը բազմազան է, համեղ, ոգելից խմիչքը՝ արգելված։ Նույնիսկ կատակում են, թե իրենց տանը չեն նախաճաշում. ընկերովի հացը համեղ է. գալիս խմբով հաց են ուտում ու սկսում շինարարությունը։

Ի դեպ, շինկազմակերպությունները կենսական նշանակության ճանապարհների վերականգնման ընթացքում իրենց բազաները կազմակերպելիս համապատասխան տարածքներ են վարձակալում գյուղացիներից, ակտիվանում է առևտուրը, ինչը նույնպես մեծ աջակցություն է գյուղական համայնքների բնակիչներին։

«Կապավորի» պատասխանատուները խոստովանում են, որ իրենց համար շատ կարևոր է համագործակցությունը այն համայնքների բնակիչների հետ, որտեղ աշխատում են։ Ուզում են ոչ միայն լավ ճանապարհ կառուցել գյուղական համայնքների բնակիչների համար, այլև իրենցից հետո լավ համբավ թողնել։

Նյութը՝ Արմենպրես գործակալության

 

Վերջին նորությունները

Աշխատաժողով՝ նվիրված հողերի օտարման գործընթացում բողոքների լուծման մեխանիզմներին

21-10-2019

Հանդիպման ընթացքում քննարկվել են բողոքների նույնականացման և գրանցման եղանակները‚ Հյուսիս-հարավ ճանապարհային միջանցքի Տրանշ-1-ում և Տրանշ-2-ում‚ Վանաձոր-Ալավերդի-Վրաստանի սահման միջպետական ճանապարհի (Մ6) հողերի օտարման‚ բողոքների գրանցման ու արձագանքման հետ կապված հարցեր։

Կարդալ ավելին

Մ6-ի՝ Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

18-10-2019

Այս ընթացքում շինաշխատանքներ իրականացնող ընկերության կողմից կատարվում է նաև ճանապարհի սպասարկում։

Կարդալ ավելին

Տ-2-38-Այգեզարդ 2.1 կմ երկարությամբ ճանապարհի վերականգնումն ընթացքի մեջ է

16-10-2019

Կապալառու կազմակերպության՝ «Արարատ-ճանշին» ՍՊԸ-ի կողմից այս պահին ընաթանում են մայթերի կառուցման, ջրահեռացման համակարգի վերականգնման, լիցքի հանույթի եւ այլ աշխատանքներ։

Կարդալ ավելին