Ներկայացվեցին Բագրատաշենի անցակետի նոր կամրջի երկրաչափական պարամետրերը և կառուցվածքային ուսումնասիրությունների վերջնական արդյունքները

03-09-2019

Բագրատաշենի սահմանային հսկողության անցակետի վրա կառուցվելիք նոր կամրջի նախագծման և շինարարական աշխատանքների մրցույթը շահած իրանական Tunnel Sadd Ariana ընկերությունը «Տրանսպորտային ծրագրերի իրականացման կազմակերպություն» ՊՈԱԿ-ի և կամրջաշինության ոլորտում հանրապետության հեղինակավոր մասնագետներին ներկայացրել է կամրջի նախագիծը։ Մանրամասն քննարկվեցին կառուցվելիք կամրջի երկրաչափական պարամետրերը, կառուցվածքային ուսումնասիրությունների և տեղանքի երկրաբանական հետազոտությունների վերջնական արդյունքները։

Նշենք, որ Դեբեդ գետի վրա կառուցվելիք, Հայաստանը և Վրաստանը միմյանց կապող «Բարեկամություն» անունը ստացած նոր կամրջի երկարությունը լինելու է մոտ 200 մետր: Կկառուցվեն երկու առանձին զուգահեռ կամուրջներ: Յուրաքանչյուր ուղղությամբ կգործի երկու երթևեկելի գոտի։

Կամրջի կառուցումը հայ-վրացական համատեղ ծրագիր է։ Կառուցման համար անհրաժեշտ գումարի 50 տոկոսը կմարի հայկական, 50 տոկոսը՝ վրացական կողմը։

Նախագծող-խորհրդատուն վերջնական նախագիծը ներկայացրել է նաև վրացական կողմին, լսել վերջինիս դիտարկումները։ Առաջիկայում կկազմակերպվի բազմակողմ հանդիպում՝ հայկական, վրացական կողմերի, նախագծողի մասնակցությամբ։

Նախագծող-խորհրդատուի ներկայացուցիչները պատասխանեցին Տրանսպորտային ծրագրերի իրականացման կազմակերպության ներկայացուցիչների, Ճարտարապետության և շինարարության Հայաստանի ազգային համալսարանի ճանապարհների և կամուրջների ամբիոնի վարիչ Հակոբ Գյուլզադյանի, տեխնիկական գիտությունների թեկնածու Արտաշես Սարգսյանի հարցերին՝ նշելով, որ նախագծումն իրականացվել է միջազգային չափանիշներին համապատասխան՝ հաշվի առնելով սեյսմիկ կայունության, բազմաթիվ այլ հարցեր։ Վերջնական նախագիծը պատվիրատուների կողմից հավանության արժանանալուց հետո պետք է անցնի փորձաքննություն, նոր միայն մեկնարկի կամրջի կառուցումը։

Հակոբ Գյուլզադյանը, խոսելով կամրջի նախագծի մասին, նկատեց, որ ներկայացվել է մի նախագիծ, որը կարող է կյանքի կոչվել։ Պարոն Գյուլզադյանը նշեց նաև, որ ինքը նախագծող-խորհրդատուին ներկայացրել է իր դիտարկումները որոշ հարցերի շուրջ։

 

Վերջին նորությունները

Արարատի մարզի կենսական նշանակության 3 ճանապարհահատված հանվել է երաշխիքային ժամկետից

06-12-2019

Այդ ճանապարհները վերականգնվել էին 2018թ. ընթացքում և մեկ տարի շարունակ‚ ըստ պայմանագրի‚ գտնվում էին թերությունների համար պատասխանատվության ժամկետում։

Կարդալ ավելին

Կառավարությունը հավանություն է տվել «Կենսական նշանակության ճանապարհային ցանցի բարելավման ծրագրի 2-րդ լրացուցիչ ֆինանսավորում» վարկային համաձայնագիրը վավերացնելու մասին» օրենքի նախագծի վերաբերյալ օրենսդրական նախաձեռնությանը

05-12-2019

Ծրագրի նպատակն է ընտրված կենսական նշանակության ճանապարհները բարելավելու միջոցով գյուղական համայնքների համար բարելավել շուկաներին և ծառայություններին հասանելիությունը և հզորացնել տրանսպորտի ճյուղային նախարարության կարողությունները՝ կենսական նշանակության ճանապարհային ցանցը կառավարելու համար:

Կարդալ ավելին

Հանդիպում Tunnel Sadd Ariana ընկերության ներկայացուցչի հետ

04-12-2019

Վերջնականացվել և պատվիրատուներին է հանձնվել Բագրատաշենի նոր կամրջի մանրամասն նախագիծը, որը հաստատվելուց հետո կսկսվեն շինարարական աշխատանքները։

Կարդալ ավելին