Աշխատանքային քննարկում ՀԲ փորձագետի հետ

04-03-2019

Մարտի 1-ին «Տրանսպորտային ծրագրերի իրականացման կազմակերպություն» ՊՈԱԿ-ում Հայաստանի կենսական նշանակության ճանապարհացանցի բարելավման ծրագրի պատասխանատուներն ու ինժեներները հանդիպել են ծրագրին աջակցող Համաշխարհային բանկի (ՀԲ) փորձագետի հետ։ Քննարկվել է ՀԲ կողմից իրականացվող ճանապարհաշինական ծրագրերում գենդերային հիմքով բռնությունների թեման։ Նշվել է, որ Համաշխարհային բանկը վերջին շրջանում իր ծրագրերի բնապահպանական և սոցիալական կառավարման, ինչպես նաև վերաբնակեցման քաղաքականություններին գումարել է ևս մեկ ուղղություն՝ գենդերային հիմքով բռնությունների ռիսկերի գնահատումը։ Բանկը ցանկացած երկրում իր ճանապարհաշինական նոր ծրագրերը սկսելիս ծրագրի գնահատման փաստաթղթերում անպայման անդրադարձ է կատարում հնարավոր ռիսկերին։ Կան երկրներ կամ ծրագրեր, որտեղ գենդերային բռնության թեման ռիսկային է։ Հայաստանն այս համատեքստում համարվում է ցածր ռիսկայնության երկիր։ Չնայած ցածր ռիսկայնությանը՝ այնուամենայնիվ, Համաշխարհային բանկի քաղաքականությունից ելնելով, փորձագետը պետք է մշակի որոշակի վարքագծային կանոններ, որոնց պահպանումը ծրագրի իրականացման ընթացքում պարտադիր է կապալառուների, նրանց անձնակազմերի համար, ինչպես նաև նշի նման իրավիճակների առաջացման դեպքում բողոքների արձագանքման և լուծման մեխանիզմները։ Նշված աշխատանքները կատարվում են բնակչության շահերի պաշտպանության նպատակով։ 

Տրանսպորտային ծրագրերի իրականացման կազմակերպության աշխատակիցները ՀԲ փորձագետին ներկայացրին քննարկվող հարցի վերաբերյալ իրենց պատկերացումները, բողոքների լուծման մեխանիզմներում այս թեման արձանագրելու և արձագանքելու հնարավոր ձևերը։

Նշենք, որ առաջիկայում տեղի կունենա թրեյնինգ, որի ընթացքում մանրամասնորեն կքննարկվեն նշված թեմաները։

 

Վերջին նորությունները

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

21-11-2019

Նշված ճանապարհները մարզային նշանակության են և երաշխիքային ժամկետից հանելուց հետո հանձնվում են մարզպետարաններին. դրանց հետագա շահագործումն իրականացվելու է վերջիններիս կողմից ընտրված ընկերությունների կողմից։

Կարդալ ավելին

ՀՀ պատվիրակությունը մասնակցում է Արևելյան գործընկերության Տրանսպորտի հարցերով պանելի 17-րդ հանդիպմանը

20-11-2019

Աշխատաժողովի ընթացքում քննարկվում են Եվրամիության ճանապարհային անվտանգության քաղաքականությանը‚ այդ ոլորտում տարբեր երկրների փորձին‚ միմյանց հետ համագործակցությանը‚ գործընկեր երկրների կողմից ստանձնած պարտավորություններին առնչվող և բազմաթիվ այլ հարցեր։

Կարդալ ավելին

Մարալիկ-Քարաբերդ-Ձիթհանքով վերականգնված ճանապարհի վրա որպես փորձնական մոդել կատարվել են շինարարական, միաժամանակ ընթացիկ ամառային և ձմեռային պահպանման աշխատանքներ

14-11-2019

Նոր մոդելը նպաստում է ճանապարհի երկարակեցությանը‚ անվտանգ շահագործմանը‚ ինչը հնարավորություն է տալիս ցանկացած եղանակի ապահովել ճանապարհի անցանելիությունն ու անխափան երթևեկությունը։

Կարդալ ավելին