Ուսումնասիրվել է երաշխիքային ժամկետում գտնվող ճանապարհահատվածը

05-08-2019

Մ6 Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման ծրագրի շրջանակներում՝ Վանաձոր-Թումանյան 38,45 կմ երկարությամբ հիմնանորոգված հատվածը (հիմնանորոգումն ավարտվել է 2018թ. դեկտեմբերի վերջին) շինարարական աշխատանքների ավարտից ի վեր մեկ տարի շարունակ գտնվելու է թերությունների համար պատասխանատվության (երաշխիքային) ժամկետում։ Այս ընթացքում Մ-6 Վանաձոր -Ալավերդի - Վրաստանի սահման միջպետական ավտոճանապարհի կմ0+000 - կմ38+450 հատվածում շինարարական աշխատանքներ իրականացրած կազմակերպությունները թերությունների ի հայտ գալու դեպքում պարտավոր են իրենց միջոցներով վերացնել դրանք։

«Տրանսպորտային ծրագրերի իրականացման կազմակերպություն» ՊՈԱԿ-ի ինժեներները առկա վիճակն ուսումնասիրելու նպատակով պարբերաբար արցելում են նշված ճանապարհահատված։ Օգոստոսի 2-ին կատարված այցելության ընթացքում արձանագրվել է, որ ճանապարհը հիմնականում գտնվում է լավ վիճակում։ ՊՈԱԿ-ի ինժեներների արձանագրմամբ՝ հուլիսի 29-ին ճանապարհի 29-րդ կիլոմետրում բեռնատար գնացքի շարժակազմի վթարի հետևանքով վնասվել են հողային պաստառը, եթևեկելի մասի ասֆալտբետոնե պատվածքը և մետաղական արգելափակոցները (վնասվել է ճանապարհի շուրջ 200 մ երկարությամբ հատված)։ Տվյալ պահին երկաթգծի պատասխանատուների կողմից իրականացվում էին վթարի հետևանքների վերացման աշխատանքներ (դրանք դեռ չէին ընդգրկում վնասված ճանապարհահատվածը)։ ճանապարհահատվածի որոշ հատվածներում բացակայում էին տեղադրված ճանապարհային նշանները և մետաղական արգելափակոցների վրայի լուսաանդրադարձիչները։

 

Վերջին նորությունները

Մ6-ում շարունակվում են հիմնանորոգման աշխատանքները

20-08-2019

Բնակչությանը նվազագույն անհանգստություն պատճառելու համար «Սուարդի» ընկերությունն այն հատվածներում, որտեղ կատարվում է հանույթ, փոշու քանակը նվազագույնի հասցնելու նպատակով ջրցան մեքենաներով իրականացնում է ջրցանում, հարթեցվում են աշխատանքի ընթացքում առաջացած փոսերը։

Կարդալ ավելին

«Թումանյան» կայարանից Օձունի խաչմերուկ ճանապարհահատվածը ժամանակավորապես փակ է լինելու երթևեկության համար

19-08-2019

Օգոստոսի 20-ին իրականացվելու են ժայռապայթեցման աշխատանքներ, ինչի հետևանքով նույն օրը՝ ժամը 11:00-19:00, «Թումանյան» կայարանից մինչև Օձունի խաչմերուկ ճանապարհահատվածը փակ է լինելու երթևեկության համար։

Կարդալ ավելին

Ընթանում են Մ7 - Մեծ Պարնի - Ծաղկաբեր 6.85 կմ ճանապարհահատվածի վերականգնման աշխատանքները

16-08-2019

Շինարարական աշխատանքներն այստեղ մեկնարկել են այս տարվա հունիսին, ավարտը, ըստ պայմանագրի, նախատեսված է 2020թ. ապրիլին։

Կարդալ ավելին