Քննարկվել է Մ6-ի՝ Ալավերդի քաղաքի տարածքով անցնող ճանապարհահատվածի հիմնանորոգման տեմպերն արագացնելու հարցը

06-09-2019

Սեպտեմբերի 6-ին Ալավերդու համայնքապետարանում տեղի է ունեցել քննարկում՝ Վանաձոր-Ալավերդի-Վրաստանի սահման միջպետական ավտոճանապարհի (Մ6) վերականգնման և բարելավման ծրագրի շրջանակներում Ալավերդի քաղաքի վարչական տարածքում իրականացվող շինարարական աշխատանքների ընթացքի մասին։ Մասնակցում էին «Տրանսպորտային ծրագրերի իրականացման կազմակերպություն» ՊՈԱԿ-ի, կապալառուի՝ «ԱԱԲ Պրոեկտ» ՍՊԸ-ի, տեխնիկական հսկողություն իրականացնող ընկերության՝ «Սաֆեժ ՍԱՍ և Հիլլ Ինտերնեյշընըլ» համատեղ ձեռնարկության, Ալավերդու ավագանու ներկայացուցիչներ, Ալավերդի համայնքի ղեկավարը, ալավերդցիներ։

Քննարկման առանցքում էին ճանապարհահատվածի հիմնանորոգման տեմպերն արագացնելու և ճանապարհի անցանելիությունն ապահովելու հարցերը։ Կողմերը մանրամասն անդրադարձան բոլոր այն խոչընդոտներին, որոնք ծագել են ճանապարհի հիմնանորոգման ընթացքում։

«ԱԱԲ Պրոեկտ»-ի ղեկավար Արմեն Բադալյանը նշեց, որ շինարարության ընթացքում ի հայտ են եկել որոշ հարցեր, որոնք կապված են ենթակառուցվածքների հետ՝ ջրագծեր, կոյուղագծեր, հեռահաղորդակցման մալուխներ։

Տեղեկացվեց, որ արդեն երկուշաբթի օրվանից «ՎԵՈՆ Արմենիա» ՓԲԸ-ն (նախկինում «ԱրմենՏել» ՓԲԸ) կկատարի մալուխների տեղափոխման աշխատանքները։ Կապալառուն նշեց, որ սեպտեմբերի 7-ից շինհրապարակում կաշխատեն գրեյդերը, տեխնիկական այլ միջոցներ՝ ապահովելով ճանապարհի անցանելիությունը, կատարելով ճանապարհի սպասարկում։ Հանդիպման ընթացքում փոշու քանակը վերահսկելու նպատակով կապալառուից պահանջվել է իրականացնել կանխարգելիչ միջոցառումներ։

Հանդիպման ընթացքում նշվեց, որ նման քննարկումները պետք է ունենան պարբերական բնույթ, ներկայացվեն իրականացված աշխատանքների արդյունքները՝ միաժամանակ հանրությանը տեղյակ պահելով աշխատանքների ընթացքի մասին։

 

Վերջին նորությունները

Արարատի մարզի կենսական նշանակության 3 ճանապարհահատված հանվել է երաշխիքային ժամկետից

06-12-2019

Այդ ճանապարհները վերականգնվել էին 2018թ. ընթացքում և մեկ տարի շարունակ‚ ըստ պայմանագրի‚ գտնվում էին թերությունների համար պատասխանատվության ժամկետում։

Կարդալ ավելին

Կառավարությունը հավանություն է տվել «Կենսական նշանակության ճանապարհային ցանցի բարելավման ծրագրի 2-րդ լրացուցիչ ֆինանսավորում» վարկային համաձայնագիրը վավերացնելու մասին» օրենքի նախագծի վերաբերյալ օրենսդրական նախաձեռնությանը

05-12-2019

Ծրագրի նպատակն է ընտրված կենսական նշանակության ճանապարհները բարելավելու միջոցով գյուղական համայնքների համար բարելավել շուկաներին և ծառայություններին հասանելիությունը և հզորացնել տրանսպորտի ճյուղային նախարարության կարողությունները՝ կենսական նշանակության ճանապարհային ցանցը կառավարելու համար:

Կարդալ ավելին

Հանդիպում Tunnel Sadd Ariana ընկերության ներկայացուցչի հետ

04-12-2019

Վերջնականացվել և պատվիրատուներին է հանձնվել Բագրատաշենի նոր կամրջի մանրամասն նախագիծը, որը հաստատվելուց հետո կսկսվեն շինարարական աշխատանքները։

Կարդալ ավելին