Տեղի ունեցավ խորհրդատվական ծառայությունների ձեռքբերման միջազգային բաց մրցույթի ֆինանսական առաջարկների բացումը

08-02-2019

Փետրվարի 7-ին «Տրանսպորտային ծրագրերի իրականացման կազմակերպություն» ՊՈԱԿ-ում տեղի ունեցավ Հյուսիս-հարավ ճանապարհային միջանցքի ներդրումային ծրագրի Տրանշ-4՝ Քաջարան-Ագարակ ճանապարհահատվածի «Ագարակից մինչև թունելի ելքի մոտ 32 կմ ճանապարհի համար մանրամասն նախագծի, հողերի օտարման և տարաբնակեցման ծրագրի նախապատրաստում և հեղինակային հսկողության իրականացում, ինչպես նաև թունելի մուտքից մինչև Քաջարան մոտ 7 կմ ճանապարհի և 6 կմ թունելի և իջատեղերի ճանապարհների մանրամասն նախագծի, հողերի օտարման և տարաբնակեցման ծրագրի նախապատրաստում (Տրանշ-4)» ծառայությունները ձեռք բերելու նպատակով հայտարարված միջազգային բաց մրցույթի ֆինանսական առաջարկների բացումը։ Մինչ այդ խորհրդատվական ծառայությունների ձեռքբերման մրցույթի տեխնիկական առաջարկների գնահատման հաշվետվության վերաբերյալ ստացվել էր Եվրասիական զարգացման բանկի հաստատումը։

Հիշեցնենք, որ Հյուսիս-հարավ ճանապարհային միջանցքի ներդրումային ծրագրի Տրանշ-4-ի շրջանակներում «Տրանսպորտային ծրագրերի իրականացման կազմակերպություն» ՊՈԱԿ-ը հայտարարել էր նախագծային աշխատանքների և հեղինակային հսկողության ծառայությունների ձեռքբերման որակի և գնի վրա հիմնված ընտրություն ընթացակարգով միջազգային բաց մրցույթ:

Մրցույթը բաղկացած էր մի քանի փուլից։ Առաջին փուլում մրցույթին մասնակցելու հետաքրքրվածության հայտեր էր ներկայացրել 18 խորհրդատվական կազմակերպություն։ Գնահատման առաջին փուլից հետո հաջորդ փուլ էր անցել 6 խորհրդատվական կազմակերպություն, որոնց տեխնիկական և ֆինանսական հայտ ներկայացնելու հրավեր էր ուղարկվել։ Հայտեր էին ներկայացրել 5 խորհրդատվական կազմակերպություններ: Նշված կազմակերպությունների լիազորված անձինք ներկա էին փետրվարի 7-ին կայացած մրցութային հանձնաժողովի նիստին։

Ֆինանսական առաջարկների բացումից հետո մրցութային հանձնաժողովն առաջիկայում կիրականացնի հայտերի համակցված գնահատում, որն ամփոփելուց հետո կսկսվեն պայմանագրային բանակցությունները:  

 

Վերջին նորությունները

Կայացել է ՀՀ հանրապետական և միջպետական ճանապարհներին վթարավտանգ հատվածների բարելավման աշխատանքների ձեռքբերման նպատակով հայտարարված մրցույթի հայտերի բացման նիստ

23-03-2020

Առաջիկայում մրցութային հանձնաժողովը կգնահատի ընկերությունների առաջարկների համապատասխանությունը մրցութային փաթեթով սահմանված գնահատման չափանիշներին։

Կարդալ ավելին

Հայտարարվել է Մ11-Ախպրաձոր 14,5 կմ երկարությամբ ճանապարհահատվածի վերականգնման շինարարական աշխատանքների մրցույթ

20-03-2020

Հետաքրքրված իրավասու հայտատուները մրցույթի վերաբերյալ այլ մանրամասների կարող են ծանոթանալ www.gnumner.am կամ www.armeps.am կայքերից։ Հայտերի ընդունման վերջնաժամկետը սույն թվականի մայիսի 7-ն է։

Կարդալ ավելին

Մ6 միջպետական ճանապարհի հիմնանորոգումը շարունակվում է

20-03-2020

Հիմնանորոգվող ճանապարհահատվածի սկզբնամասում՝ Թումանյանից մինչև Օձունի խաչմերուկ‚ ավարտին են մոտենում հողային աշխատանքները‚ կատարվում է ժայռային հանույթ‚ ինչպես նաև՝ այլ աշխատանքներ։

Կարդալ ավելին