Ուսումնասիրվել է երաշխիքային ժամկետում գտնվող ճանապարհահատվածը

08-05-2019

«Տրանսպորտային ծրագրերի իրականացման կազմակերպություն» ՊՈԱԿ-ի ինժեներական թիմն այցելել է Մ6, Վանաձոր-Ալավերդի-Վրաստանի սահման միջպետական նշանակության ավտոճանապարհի՝ Վանաձոր-Թումանյան 38,45 կմ հատված, որի հիմնանորոգման աշխատանքները միջպետական ավտոճանապարհի վերականգնման և բարելավման ծրագրի շրջանակներում ավարտվել են 2018թ. դեկտեմբերի 24-ին։ Շինաշխատանքների ավարտից հետո մեկ տարի ճանապարհահատվածը գտնվում է թերությունների համար պատասխանատվության (երաշխիքային) ժամկետում։ Այդ ընթացքում նշված ճանապարհահատվածում շինարարական աշխատանքներ իրականացրած կազմակերպությունները թերությունների ի հայտ գալու դեպքում պարտավոր են իրենց միջոցներով վերացնել դրանք։

ՊՈԱԿ-ի ինժեներներն արձանագրել են, որ միջպետական ճանապարհի վերականգնված մոտ 38 կմ հատվածը գտնվում է լավ վիճակում, որոշ հատվածներում միայն նկատվել են կողային առուների մաքրման, լանջերից կուտակված թափվածքների հեռացման, կողնակների լրացման և հարթեցման, որոշ տեղամասերում մետաղական արգելափակոցների վրա լուսային անդրադարձիչների բացակայության, սյուների և պարապետների ներկման հետ կապված խնդիրներ։

Ճանապարհահատվածը հիմնանորոգած կապալառու կազմակերպություններն առաջիկայում կվերացնեն նշված թերությունները։

 

Վերջին նորությունները

Կապալառուն իրականացնում է նաև աղբից մաքրման աշխատանքներ և ձմեռային սպասարկում

16-01-2020

Հյուսիս-հարավ ճանապարհային միջանցքի Տրանշ 3-ում՝ Թալին-Գյումրի ճանապարհահատվածում‚ կապալառու կազմակերպության` «Սինոհիդրո Քորփորեյշն» ընկերության կողմից ձմռան ամիսներին կատարվում են ճանապարհի ձմեռային սպասարկման աշխատանքներ։ Կապալառու կազմակերպությունն իրականացնում է նաև ճանապարհն աղբից մաքրելու աշխատանքներ։

Կարդալ ավելին

Ճանապարհաշինության գործընթացում ունեցած ավանդի համար ոլորտի մի շարք աշխատակիցներ նախարար Սուրեն Պապիկյանի կողմից արժանացել են պատվոգրերի

14-01-2020

Պարոն Բադալյանը նախարարի և իր անունից շնորհավորել է պարգևատրվածներին՝ նշելով‚ որ անցած 2019 թվականին ճանապարհաշինության ոլորտում բարձր արդյունքներ են գրանցվել‚ ինչը ՀՀ տարածքային կառավարման և ենթակառուցվածքների նախարարության և համապատասխան ստորաբաժանումների համատեղ աշխատանքի արդյունք է։

Կարդալ ավելին

Քննարկվել են Տրանշ-5-ի նախագծին և հողերի օտարման և տարաբնակեցման ծրագրի պատրաստման գործողությունների ընթացքն առնչվող հարցեր

14-01-2020

Տրանսպորտային ծրագրերի իրականացման կազմակերպությունում հունվարի 14-ին տեղի է ունեցել հանդիպում Հյուսիս-հարավ ճանապարհային միջանցքի Տրանշ-5-ի նախագծման խորհրդատու AIC Progetti S.p.A. (Իտալիա) կազմակերպության ներկայացուցիչ Ֆրանչեսկո դի Պասկուալե Ֆարինայի հետ։

Կարդալ ավելին