Հանրապետության 7443 կմ ճանապարհների վրա կատարվել են ճանապարհային պատվածքի երթևեկելի մասի հարթության գործակցի և երթևեկության ինտենսիվության չափումներ

09-09-2019

ՀՀ կառավարության և Համաշխարհային բանկի ֆինանսավորմամբ իրականացվող Կենսական նշանակության ճանապարհային ցանցի բարելավման ծրագրի համար լրացուցիչ ֆինանսավորում ծրագրի շրջանակներում նախատեսված է ճանապարհային ակտիվների կառավարման համակարգի տեղեկատվական բազայի ստեղծում, որի համար համապատասխան տվյալների հավաքագրման նպատակով ծրագրով նախատեսված է նաև ճանապարհային պայմանների ու երթևեկության ուսումնասիրության իրականացում։ Ուսումնասիրության կատարման համար «Տրանսպորտային ծրագրերի իրականացման կազմակերպություն» ՊՈԱԿ-ի կողմից  ձեռք են բերվել համապատասխան սարքավորումներ և տրանսպորտային միջոցներ, հավաքագրված տվյալների մուտքագրման մայրուղիների զարգացման և կառավարման (HDM-4) համակարգ:

Ճանապարհային պայմանների ու երթևեկության ուսումնասիրությունը, որն իրենից ներկայացնում է ճանապարհների երթևեկելի մասի հարթության գործակցի և երթևեկության ինտենսիվության չափումների իրականացում, սկսվել է 2018թ. սեպտեմբերից, և 2019թ. ամռանն արդեն ավարտվել էին ՀՀ ամբողջ  ճանապարհային ցանցի երթևեկելի մասի հարթության գործակցի և երթևեկության ինտենսիվության չափումները: Շուրջ 7-8 ամսվա ընթացքում ձեռք բերված համապատասխան սարքավորումներով «Հայաստանի ավտոմոբիլային ճանապարհների տնօրինություն» ՊՈԱԿ-ի մասնագետները չափումներ են կատարել ՀՀ տասը մարզերի ընդհանուր առմամբ 7443 կմ երկարությամբ ճանապարհների վրա։ Երթևեկության ինտենսիվությունը չափվել է 919 ճանապարհային հատվածներում։

Կազմվել են իրականացված չափումների վերաբերյալ հաշվետվություններ բոլոր մարզերի համար։ Ներկայում կատարվում է հավաքագրված տվյալները մայրուղիների զարգացման և կառավարման (HDM-4) համակարգ մուտքագրելու և տվյալները վերամշակելու գործընթացը:

Տեղեկացնենք, որ նման ուսումնասիրությունները թույլ են տալիս հստակ պատկերացում կազմելու ճանապարհների առկա վիճակի, երթևեկության անվտանգության և ծախսված ժամանակի մասին։

ՀՀ տարածքային կառավարման և ենթակառուցվածքների նախարարության համար կարևորվում է ճանապարհների վիճակի վերաբերյալ տվյալների հավաքական տեղեկատվական բազայի ստեղծումը, և այդ հարցը գտնվում է նախարարության հսկողության ներքո։

Վերջին նորությունները

Կապալառուն իրականացնում է նաև աղբից մաքրման աշխատանքներ և ձմեռային սպասարկում

16-01-2020

Հյուսիս-հարավ ճանապարհային միջանցքի Տրանշ 3-ում՝ Թալին-Գյումրի ճանապարհահատվածում‚ կապալառու կազմակերպության` «Սինոհիդրո Քորփորեյշն» ընկերության կողմից ձմռան ամիսներին կատարվում են ճանապարհի ձմեռային սպասարկման աշխատանքներ։ Կապալառու կազմակերպությունն իրականացնում է նաև ճանապարհն աղբից մաքրելու աշխատանքներ։

Կարդալ ավելին

Ճանապարհաշինության գործընթացում ունեցած ավանդի համար ոլորտի մի շարք աշխատակիցներ նախարար Սուրեն Պապիկյանի կողմից արժանացել են պատվոգրերի

14-01-2020

Պարոն Բադալյանը նախարարի և իր անունից շնորհավորել է պարգևատրվածներին՝ նշելով‚ որ անցած 2019 թվականին ճանապարհաշինության ոլորտում բարձր արդյունքներ են գրանցվել‚ ինչը ՀՀ տարածքային կառավարման և ենթակառուցվածքների նախարարության և համապատասխան ստորաբաժանումների համատեղ աշխատանքի արդյունք է։

Կարդալ ավելին

Քննարկվել են Տրանշ-5-ի նախագծին և հողերի օտարման և տարաբնակեցման ծրագրի պատրաստման գործողությունների ընթացքն առնչվող հարցեր

14-01-2020

Տրանսպորտային ծրագրերի իրականացման կազմակերպությունում հունվարի 14-ին տեղի է ունեցել հանդիպում Հյուսիս-հարավ ճանապարհային միջանցքի Տրանշ-5-ի նախագծման խորհրդատու AIC Progetti S.p.A. (Իտալիա) կազմակերպության ներկայացուցիչ Ֆրանչեսկո դի Պասկուալե Ֆարինայի հետ։

Կարդալ ավելին