Մասնակցություն՝ Ասիայի և Եվրոպայի միջև տրանսպորտային կապի վերաբերյալ միջտարածաշրջանային փորձագիտական խմբի հանդիպմանը

11-02-2019

«Տրանսպորտային ծրագրերի իրականացման կազմակերպություն» ՊՈԱԿ-ի կարողությունների զարգացման և մոնիթորինգի մասնագետ Կարեն Ջեյրանյանը մասնակցել է Թաիլանդի Թագավորությունում անցկացված Ասիայի և Եվրոպայի միջև տրանսպորտային կապի վերաբերյալ միջտարածաշրջանային փորձագիտական խմբի հանդիպմանը։

Հրավերը ստացվել էր ՄԱԿ-ի Ասիայի և Խաղաղօվկիանոսյան տնտեսական և սոցիալական հանձնաժողովի կողմից։ Քննարկվել է Ասիայի և Եվրոպայի միջև տրանսպորտային կապի վերաբերյալ միջտարածաշրջանային փորձագիտական խմբի հանդիպման նախնական փաստաթուղթը։ Մասնակից անդամ պետությունների ներկայացուցիչները շնորհանդեսների և ելույթների տեսքով տեղեկատվություն են ներկայացրել իրենց երկրներում գործող ընթացիկ զարգացումների և նախագծերի վերաբերյալ, որոնք վերաբերում էին Ասիայի և Եվրոպայի միջև տրանսպորտային կապերի զարգացմանը:

ՄԱԿ-ի Ասիայի և Խաղաղօվկիանոսյան տնտեսական և սոցիալական հանձնաժողովը նախնական նախագծի տեսքով ներկայացրել է իր կողմից կատարված ուսումնասիրության արդյունքները և առաջարկությունները՝ Ասիայի և Եվրոպայի միջև տրանսպորտային կապի զարգացման նախաձեռնությունների մասին՝ ներառելով ՄԱԿ-ի Եվրոպայի Տնտեսական հանձնաժողովի կողմից արված նախնական մեկնաբանությունները և տրամադրված ուսումնասիրությունները:

Հանդիպման մասնակիցները վերահաստատել են իրենց երկրների մեծ հետաքրքրությունը Ասիայի և Եվրոպայի միջև տրանսպորտային կապի հետագա խորացման համար և փոխանակել են տեսակետներ և կարծիքներ առաջնային խնդիրների վերաբերյալ, որոնք պետք է ուղղված լինեն Եվրասիական մայրցամաքի երկու համապատասխան տարածաշրջանների միջև տրանսպորտային կապերի հետագա ամրապնդմանը:

Հանդիպման ընթացքում կարևորություն է տրվել այն հանգամանքին, որ բոլոր անդամ պետությունները և շահագրգիռ կողմերը պետք է ներգրավված լինեն Ասիայի և Եվրոպայի միջև տրանսպորտային կապի հետագա ամրապնդման հետ կապված համակարգված միջոցառումների հետևողական իրականացմանը, ինչի համար մասնակիցները խնդրել են ՄԱԿ-ի երկու համապատասխան՝ Ասիայի և Խաղաղօվկիանոսյան տնտեսական և սոցիալական ու Եվրոպայի Տնտեսական հանձնաժողովներին հետագայում ակտիվորեն համագործակցել միմյանց և այլ համապատասխան միջազգային կազմակերպությունների հետ:

Պայմանավորվածություն է ձեռք բերվել այն մասին, որ ՄԱԿ-ի Ասիայի և Խաղաղօվկիանոսյան տնտեսական և սոցիալական հանձնաժողովի կողմից կազմակերպված Ասիա-Եվրոպա տրանսպորտային կապի միջտարածաշրջանային փորձագիտական խմբի հանդիպման վերաբերյալ կազմված հաշվետվությունը կներկայացվի 2019թ. փետրվարի 19-22-ը Ժնևում (Շվեյցարիա) կայանալիք Ներքին տրանսպորտի կոմիտեի 81-րդ հերթական նիստին, որը տրանսպորտի ոլորտում ՄԱԿ-ի Եվրոպայի Տնտեսական հանձնաժողովի բարձրագույն քաղաքական մարմինն է:

Վերջին նորությունները

Պայթեցման աշխատանքներով պայմանավորված՝ ժամանակավորապես փակ է լինելու «Թումանյան» կայարանից մինչև Օձունի խաչմերուկ ճանապարհահատվածը

21-02-2019

Այդ ընթացքում վարորդներին առաջարկվում է նշված ճանապարհահատվածը շրջանցել Մ6-Օձուն-Այգեհատ-Յաղդան-Ստեփանավան-Վանաձոր ճանապարհով։

Կարդալ ավելին

Վրաստանի Ճանապարհների դեպարտամենտի մասնագետի հետ քննարկվել են Բագրատաշենի նոր կամրջի նախագծային լուծումները

21-02-2019

Արթուր Սանոյանը և Դավիթ Գեթսաձեն անդրադարձել են կապալառուի կողմից ներկայացված կամրջի նախագծային լուծումներին, հայկական և վրացական տարածքներում հողերի օտարմանը, ենթակառուցվաքներին առնչվող հարցերի։

Կարդալ ավելին

Բնակիչները ծանոթացան հողերի օտարման և տարաբնակեցման ծրագրի մանրամասներին

20-02-2019

Իրականացված ուսումնասիրությունների արդյունքներով կմշակվի ՀՕՏԾ-ն, որը պետք է հաստատվի Ասիական զարգացման բանկի և ՀՀ կառավարության կողմից։ Օտարվող գույքի և կորուստների դիմաց փոխհատուցումները կսահմանվեն մշակվելիք ՀՕՏԾ-ով։

Կարդալ ավելին