Քննարկվել է Հյուսիս-հարավ ճանապարհային միջանցքի Տրանշ-4-ի Քաջարան-Ագարակ հատվածի կառուցման ծրագրի ընթացքը

13-02-2020

«Տրանսպորտային ծրագրերի իրականացման կազմակերպություն» ՊՈԱԿ-ում փետրվարի 12-ին տեղի է ունեցել հանդիպում Կայունացման և զարգացման եվրասիական հիմնադրամի պատվիրակության անդամների՝ տրանսպորտի և հաղորդակցման գծով ղեկավար Ա. Գլավատսկիխի‚ ծրագրերի իրականացման գլխավոր մենեջեր Ա. Ռաշչիկովի և հիմնադրամի ծրագրերի լիազոր ներկայացուցիչ Ա. Պողոսյանի հետ։ Կայունացման և զարգացման եվրասիական հիմնադրամի առաքելությունը Հայաստան է ժամանել՝ մոնիթորինգի ենթարկելու այդ կառույցի կողմից ֆինանսավորվող Հյուսիս-հարավ ճանապարհային միջանցքի Տրանշ-4-ի Քաջարան-Ագարակ հատվածի կառուցման ծրագրի ընթացքը։   

Նշենք‚ որ Տրանշ 4-ի Քաջարան-Ագարակ հատվածի նախագծումը մեկնարկել է 2019 թվականի աշնանը։ Հանդիպման ընթացքում կողմերը խոսել են նախագծման աշխատանքների ընթացքի‚ կազմակերպչական‚ ծրագրի իրականացման ժամանակացույցի‚ հնարավոր ռիսկերի մասին։ Մանրամասն անդրադարձ է կատարվել ծրագրի տեխնիկական հիմնավորումներին և տեխնիկական առաջադրանքին‚ տեղագրական քարտեզին։ Նշվել է‚ որ խորհրդատուն՝ ճանապարհահատվածի նախագծումն իրականացնող «Այ Առ Դի Ինջենիրինգ և Ջի Փի Ինջեներիա» ՀԳ իտալական ընկերությունը‚ ներկայացրել է նախագծային մի քանի տարբերակներ‚ որոնք դիտարկվել ու քննարկվել են՝ առանձնացնելով առավել արդյունավետ և տնտեսապես հիմնավորված տարբերակները։ Տրանսպորտային ծրագրերի իրականացման կազմակերպության ներկայացուցիչների կողմից ընդգծվել է‚ որ ծրագրի իրականացման մարտավարությունն այնպիսին է‚ որ այն ոչ միայն պետք է ժամկետներում և որակով իրականացվի‚ այլև ՀՀ տնտեսությունը և ՀՀ բնակչությունն այդ ծրագրից պետք է ստանան սոցիալ-տնտեսական օգուտներ։  

Տրանսպորտային ծրագրերի իրականացման կազմակերպության և Կայունացման և զարգացման եվրասիական հիմնադրամի ներկայացուցիչները հանդիպել են նաև «Այ Առ Դի Ինջենիրինգ և Ջի Փի Ինջեներիա» ՀԳ ընկերության մասնագետների հետ‚ որոնք ներկայացրել են Քաջարան-Ագարակ հատվածի նախագծման ընթացքի մանրամասները։

Վերջին նորությունները

Կենսական նշանակության ճանապարհացանցի բարելավման ծրագիրը նպաստում է համայնքների սոցիալ-տնտեսական զարգացմանը

12-02-2020

Միայն 2019 թվականին նշված ծրագրի շրջանակներում վերականգնման աշխատանքներ են տարվել հանրապետության 7 մարզի (Արարատ‚ Արմավիր‚ Տավուշ‚ Վայոց ձոր‚ Շիրակ‚ Լոռի‚ Արագածոտն) 30 բնակավայրով անցնող մի շարք ճանապարհների վրա‚ որոնցից օգտվում է ավելի քան 56 հազար բնակիչ։

Կարդալ ավելին

Պարզաբանում. Մալաթիա-Սեբաստիայի բնակիչների դժգոհությունը կապ չունի «Հյուսիս-հարավ» ծրագրի հետ

10-02-2020

Հիշատակված ճանապարհահատվածն առնչություն չունի «Տրանսպորտային ծրագրերի իրականացման կազմակերպություն» ՊՈԱԿ-ի Հյուսիս-հարավ ճանապարհային միջանցքի ներդրումային ծրագրի հետ։ Նշված հատվածի վերակառուցման աշխատանքները կատարվում են «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի կողմից Քաղաքային կայուն զարգացման ներդրումային ծրագրի շրջանակներում։

Կարդալ ավելին

Միջպետական և հանրապետական ճանապարհների մասին օպերատիվ տեղեկատվություն կարող եք ստանալ՝ զանգահարելով 010 56-25-33 հեռախոսահամարին

09-02-2020

Օպերատորները շուրջօրյա ռեժիմով կպատասխանեն ճանապարհների վերաբերյալ ձեր բոլոր հարցերին։

Կարդալ ավելին