Սյունիքի մարզպետարանում ներկայացվեց Հյուսիս-հարավ ճանապարհային միջանցքի Սիսիան-Քաջարան հատվածի նախագիծը

14-02-2019

Փետրվարի 13-ին Սյունիքի մարզպետարանում տեղի է ունեցել հանրային իրազեկման հանդիպում՝ Հյուսիս-հարավ ճանապարհային միջանցքի ներդրումային ծրագրի Տրանշ-4-ի (Սիսիան-Քաջարան հատված) վերաբերյալ։ Հանդիպման ընթացքում ներկայացվել են նշված հատվածի նախագիծը: Հանդիպմանը ներկա էին Սյունիքի մարզպետ Հունան Պողոսյանը, ազդակիր համայնքների և մարզպետարանի քաղաքաշինության ոլորտի պատասխանատուները, բնակավայրերի, ճանապարհաշինական ընկերությունների ներկայացուցիչներ: Նախագիծը ներկայացրել են և հանդիպման մասնակիցների հարցերին պատասխանել են «Տրանսպորտային ծրագրերի իրականացման կազմակերպություն» ՊՈԱԿ-ի աշխատակիցները:

Տրանշ-4-ի Սիսիան-Քաջարան հատվածը կսկսվի Իշխանասարի խաչմերուկից և կհասնի Լեռնաձոր: Այն 60 կմ է, և եթե ներկայում ավտոմեքենաներն այս նույն տարածքն անցնում են 120 կմ երկարություն ունեցող ճանապարհով՝ մոտ 2,5 ժամում, ապա նոր կառուցվելիք ճանապարհով հնարավոր կլինի այն անցնել մոտ 45 րոպեում՝ շրջանցելով Կապան-Գորիս ճանապարհի բարդ հատվածները:

Նախագծով ճանապարհը կունենա 9 թունել, 27 կամուրջ, երթևեկելի մասի լայնությունը կլինի 16,5 մ, որից 11,10 մ՝ ասֆալտապատ:

Ի դեպ, նախագծողները հանրային քննարկումներ էին անցկացրել նաև ազդակիր համայնքներում, և նախապես տեղերում հնչած առաջարկները տեղ էին գտել վերջնական նախագծում:

Մարզպետ Հունան Պողոսյանը մի շարք նկատառումներ ներկայացրեց մասնագետներին՝ մասնավորապես կարևորելով մեծ թվով կամուրջների անվտանգության և սպասարկման խնդիրը, նաև հետաքրքրվեց ճանապարհաշինության ընթացքում հողերի օտարման և փոխհատուցումների հարցով:

 

 

Վերջին նորությունները

Հանրային իրազեկման հանդիպումների ժամանակացույց

19-04-2019

Հրավիրում ենք բոլոր շահագրգիռ կողմերին մասնակցելու Շիրակի մարզի համայնքներում կայանալիք հանրային իրազեկման հանդիպումներին:

Կարդալ ավելին

Ապրիլի 17-ին Թումանյան քաղաքից մինչև Օձունի խաչմերուկ ճանապարհահատվածը փակ է լինելու երթևեկության համար

16-04-2019

Վանաձոր-Ալավերդի-Վրաստանի սահման (Մ6) միջպետական ավտոճանապարհին ապրիլի 17-ին իրականացվելու են ժայռապայթեցման աշխատանքներ, ինչի պատճառով այդ օրը՝ ժամը 12:00-18:00-ն ընկած հատվածում, Թումանյան քաղաքից մինչև Օձունի խաչմերուկ ճանապարհահատվածը փակ է լինելու երթևեկության համար։

Կարդալ ավելին

Հանրային իրազեկման հանդիպում Տրանշ-5-ի շրջանակում

15-04-2019

Ներկաները ծանոթացան նաև նախնական նախագծին, անդրադարձան իրենց հուզող հարցերին՝ ստանալով պատասխաններ։

Կարդալ ավելին