Հանրային իրազեկման հանդիպում Տրանշ-5-ի շրջանակում

15-04-2019

Շիրակի մարզպետարանում տեղի է ունեցել հանրային իրազեկման հանդիպում։ Այն նվիրված էր Հյուսիս-հարավ ճանապարհային միջանցքի ներդրումային ծրագրի Տրանշ-5-ի շրջանակներում Գյումրի շրջանցիկ և Գյումրի-Բավրա ճանապարհային հատվածների վերակառուցման և բարելավման ծրագրի հողերի օտարման և տարաբնակեցման ծրագրի (ՀՕՏԾ) պատրաստման շրջանակներում դաշտային աշխատանքների մեկնարկին:

Քննարկմանը մասնակցել են Հյուսիս-հարավ ճանապարհային միջանցքի ներդրումային ծրագրի Տրանշ-3-ի և Տրանշ-5-ի ղեկավար Ռոբերտ Մելքոնյանը, «Տրանսպորտային ծրագրերի իրականացման կազմակերպություն» ՊՈԱԿ-ի սոցիալական ազդեցությունների կառավարման ծառայության ղեկավար Լիլիթ Դիլանյանը, ՊՈԱԿ-ի հողերի օտարման և տարաբնակեցման գործընթացում ներգրավված խորհրդատու կազմակերպության մասնագետները, նախագծող ընկերության ներկայացուցիչ, այն համայնքների ղեկավարները, որտեղ պետք է տեղի ունենան Տրանշ-5 ծրագրով նախատեսված շինաշխատանքները:

Հանդիպման մեկնարկին Շիրակի մարզպետ Տիգրան Պետրոսյանը ողջունել է հյուրերին. «Ուրախ եմ, որ կա համագործակցություն, և մենք նստել ենք մեկ սեղանի շուրջ, քանզի այսպիսի քննարկումները հօգուտ մեր համայնքների բնակիչների են լինելու, որպեսզի շինարարական աշխատանքների ընթացքում բացառվեն դժգոհություններն ու թերացումները»։

Տրանսպորտային ծրագրերի իրականացման կազմակերպության սոցիալական ազդեցությունների կառավարման ծառայության ղեկավար Լիլիթ Դիլանյանը նկատեց, որ ծրագրի շրջանակներում պատրաստվել և ներկայացվել է հողերի օտարման և տարաբնակեցման նախնական ծրագիր (ՀՕՏԾ)՝ նախանական նախագծի հիման վրա։ Համաձայն նախնական արդյունքների՝ ծրագրի շրջանակներում ազդեցության կենթարկվեն 1565 հողեր 21 համայնքներում։ Հողերի օտարման և տարաբնակեցման ազդեցությունների փաստացի ծավալը կվերահաշվարկվի տվյալ հատվածի ՀՕՏԾ-ն մշակելուց հետո՝ հիմք ընդունելով վերջնական հաստատված նախագիծը։

Հողերի օտարման և տարաբնակեցման գործընթացում ներգրավված խորհրդատու կազմակերպության ներկայացուցիչները մանրամասն ներկայացրին ՀՕՏԾ պատրաստմանը նախորդող դաշտային աշխատանքները և խորհրդատուի կողմից առաջիկայում իրականացվելիք աշխատանքների ցանկը, բողոքների լուծման մեխանիզմները և այլն։ Հստակեցվեց Շիրակի մարզի ազդակիր համայնքներ հանրային լսումների կազմակերպման և իրականացման նպատակով այցելությունների ժամանակացույցը։

Ներկաները ծանոթացան նաև նախնական նախագծին, անդրադարձան իրենց հուզող հարցերին՝ ստանալով պատասխաններ։

Տրանսպորտային ծրագրերի իրականացման կազմակերպության աշխատակիցները տեղեկացրին, որ հանրային իրազեկման հանդիպումները լինելու են շարունակական, քննարկումներ են կայանալու ազդակիր համայնքներում բնակիչների հետ՝ մանրամասն ներկայացվելու է հողերի օտարման և տարաբնակեցման ծրագիրը և այդ համատեքստում՝ բնակչության իրավունքները։

Վերջին նորությունները

Կատարվում են եզրաքարերի տեղադրման, ջրահեռացման համակարգի վերականգնման աշխատանքներ

24-06-2019

2019թ. հունիսի 19-ի դրությամբ հողային աշխատանքների 90 տոկոսն ավարտված է: Այս պահին կատարվում են եզրաքարերի տեղադրման, ջրահեռացման համակարգի վերականգնման աշխատանքներ:

Կարդալ ավելին

Հանրային քննարկում՝ Բագրատաշենի նոր կամրջի շինարարության շրջակա միջավայրի վրա ազդեցությունների գնահատման թեմայով

21-06-2019

Բագրատաշենում արդեն իսկ իրականացվել է երկու հանրային քննարկում, որոնց ընթացքում ներկայացվել ու քննարկվել են նախագծի նախնական լուծումները, ինչպես նաև շրջակա միջավայրի վրա ազդեցության նախնական գնահատման հայտը։

Կարդալ ավելին

Հանրապետության 6 մարզերի շուրջ 47 կմ երկարությամբ կենսական նշանակության ճանապարհահատվածներում սկսվել են վերականգնման աշխատանքները

19-06-2019

Կենսական նշանակության ճանապարհների վերականգնման աշխատանքները ներառում են հողային պաստառի վերականգնում, ճանապարհային պատվածքի վերակառուցում, ճանապարհային անվտանգության ապահովում։ Վերականգնվելու են նաև ջրահեռացման համակարգերը, կատարվելու են կահավորման աշխատանքներ։

Կարդալ ավելին