Հանդիպում ճանապարհաշինարարների հետ. ճանապարհաշինության ընթացքում խիստ վերահսկողություն է իրականացվելու որակի նկատմամբ

16-05-2019

ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Բագրատ Բադալյանը մայիսի 16-ին հանդիպել է նախարարության ծրագրերով ճանապարհաշինական աշխատանքներ իրականացնող ընկերությունների ներկայացուցիչների հետ։ Հանդիպմանը մասնակցում էին նաև «Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Քրիստինե Ղալեչյանը, Հայաստանի կենսական նշանակության ճանապարհացանցի բարելավման ծրագրի ղեկավար Լյուդմիլա Աղաբեկյանը, Վանաձոր-Ալավերդի-Վրաստանի սահման միջպետական ավտոճանապարհի (Մ6) վերականգնման և բարելավման ծրագրի ղեկավար Արամ Վարդանյանը, ՊՈԱԿ-ի ինժեներներ։

Հանդիպման ընթացքում նախարարի տեղակալ Բագրատ Բադալյանը, ներկայացնելով ճանապարհաշինության ոլորտի ծրագրերը, ընդգծել է, որ 2019 թվականին նախատեսված է իրականացնել աննախադեպ ծավալի ճանապարհաշինական աշխատանքներ։ Նա շեշտել է, որ ճանապարհաշինության ընթացքում խիստ վերահսկողություն է իրականացվելու որակի նկատմամբ։ «Աշխատանքները պետք է իրականացվեն որակով, պատշաճ և ժամանակին, գրաֆիկից շեղումներն անթույլատրելի են»,- նշեց նախարարի տեղակալը։

Ընդգծվեց շինարարության ընթացքում անվտանգ երթևեկության ապահովման կարևորությունը։ Նշվեց, որ բարձրացվել են նախագծերի իրականացման նկատմամբ պահանջները, ինչը կնպաստի շինարարության որակի բարելավմանը։

Պարոն Բադալյանը նկատեց, որ հաճախ լինելու են այցելություններ շինհրապարակներ, շինարարական բազաներ՝ տեղում ուսումնասիրելու աշխատանքների ընթացքը։

Հանդիպման ընթացքում քննարկվել են նաև մի շարք հարցեր։ Ճանապարհաշինության ոլորտի պատասխանատուները անդրադարձել են շինարարների բարձրացրած հարցերին՝ տալով սպառիչ պատասխաններ։

 

Վերջին նորությունները

Աշխատաժողով՝ նվիրված հողերի օտարման գործընթացում բողոքների լուծման մեխանիզմներին

21-10-2019

Հանդիպման ընթացքում քննարկվել են բողոքների նույնականացման և գրանցման եղանակները‚ Հյուսիս-հարավ ճանապարհային միջանցքի Տրանշ-1-ում և Տրանշ-2-ում‚ Վանաձոր-Ալավերդի-Վրաստանի սահման միջպետական ճանապարհի (Մ6) հողերի օտարման‚ բողոքների գրանցման ու արձագանքման հետ կապված հարցեր։

Կարդալ ավելին

Մ6-ի՝ Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

18-10-2019

Այս ընթացքում շինաշխատանքներ իրականացնող ընկերության կողմից կատարվում է նաև ճանապարհի սպասարկում։

Կարդալ ավելին

Տ-2-38-Այգեզարդ 2.1 կմ երկարությամբ ճանապարհի վերականգնումն ընթացքի մեջ է

16-10-2019

Կապալառու կազմակերպության՝ «Արարատ-ճանշին» ՍՊԸ-ի կողմից այս պահին ընաթանում են մայթերի կառուցման, ջրահեռացման համակարգի վերականգնման, լիցքի հանույթի եւ այլ աշխատանքներ։

Կարդալ ավելին