Տրանսպորտային ծրագրերի իրականացման կազմակերպությունում ընդունեցին Համաշխարհային բանկի պատվիրակությանը

18-09-2018

«Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վազգեն Պետրոսյանը և կազմակերպության ներկայացուցիչներն այսօր հանդիպել են Համաշխարհային բանկի (ՀԲ) թիմի հետ, որը սեպտեմբերի 18-27-ը Հայաստանում է Կենսական նշանակության ճանապարհային ցանցի բարելավման ծրագրի իրականացմանն աջակցության առաքելությամբ։

Համաշխարհային բանկի Կենսական նշանակության ճանապարհների ծրագրի թիմի ղեկավար, տրանսպորտի մասնագետ Նարգիզ Ռիսկուլովայի և թիմի համաղեկավար, մայրուղիների ավագ ինժեներ Ռոդրիգո Արխոնդո Կալաոյի ղեկավարած պատվիրակության հետ Տրանսպորտային ծրագրերի իրականացման կազմակերպության ներկայացուցիչները քննարկել են Հայաստանի կենսական նշանակության ճանապարհացանցի բարելավման ծրագրի ընթացքը, ճշգրտվել է առաջիկա օրերին ՀԲ աջակցությամբ կառուցվող ճանապարհների շինհրապարակներ այցելության ժամանակացույցը։

Կողմերն անդրադարձել են նաև Հայաստանի կենսական նշանակության ճանապարհացանցի բարելավման ծրագրի լրացուցիչ ֆինանսավորման նոր ծրագրի հեռանկարներին, որի կոնցեպտը պետք է մշակվի և Համաշխարհային բանկի քննարկմանը ներկայացվի մինչև սեպտեմբերի 30-ը՝ ընդգրկելով կենսական նշանակության  նոր ճանապարհներ։

Համաշխարհային բանկի ներկայացուցիչներն ընդգծեցին, որ Կենսական նշանակության ճանապարհացանցի բարելավման ծրագիրը միայն ճանապարհաշինական նախագիծ չէ, այլև մեծ է այս ծրագրի սոցիալական ազդեցության բաղադրիչը, որն օգնում է գյուղական համայնքների բնակիչներին բարձրացնել կենսամակարդակը, հասանելի դարձնել և ամրապնդել համայնքների կապը շուկաների հետ։

 

 

 

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին