Տրանսպորտային ծրագրերի իրականացման կազմակերպությունում հյուրընկալել էին Հայաստանում Ղազախստանի դեսպանատան խորհրդականին

19-11-2018

«Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վազգեն Պետրոսյանը, կազմակերպության Հյուսիս-հարավ ճանապարհային միջանցքի ներդրումային ծրագրի խորհրդատու Մհեր Սահակյանը և ՀՀ տրանսպորտի, կապի և տեղեկատվական տեխնոլոգիաների նախարարության արտաքին կապերի և ծրագրերի վարչության պետ Քրիստինե Բեգլարյանը կազմակերպության գրասենյակում հանդիպել են Հայաստանում Ղազախստանի դեսպանատան խորհրդական Ասել Իսիմովայի հետ։

Վազգեն Պետրոսյանը ղազախ դիվանագետին ներկայացրել է Հյուսիս-հարավ ճանապարհային միջանցքում կատարվող աշխատանքները, ընդգծել է, որ անհրաժեշտ է կապեր հաստատել Տրանսպորտային ծրագրերի իրականացման կազմակերպության և  ղազախական պետական կառույցների հետ, որոնք իրագործում են տրանսպորտային ենթակառուցվածքների շինարարություն։ Պարոն Պետրոսյանը նշել է, որ այդ կապերը հնարավորություն կտան երկու երկրների կազմակերպություններին կատարել փորձի փոխանակում, համատեղ կազմակերպել շինարարության ժամանակակից տեխնոլոգիաների վերաբերյալ քննարկումներ, սեմինարներ, խորհրդակցություններ։ Առաջարկվել է Հայաստանի Հյուսիս-հարավ ճանապարհային միջանցքի Տրանշ-4-ը ներկայացնել նաև Ղազախստանի բիզնես և շինարարական կազմակերպություններին, որոնք ևս կկարողանան մասնակցել շինարարության համար հայտարարվող միջազգային մրցույթներին։  

Վազգեն Պետրոսյանը հույս է հայտնել, որ Հյուսիս-հարավ ճանապարհային միջանցքի շահագործումից հետո հնարավոր կլինի այն միացնել «Մետաքսի ճանապարհ» տնտեսական գոտու «Չինաստան-Կենտրոնական Ասիա-Արևմտյան Ասիա» տնտեսական միջանցքին, որտեղ կարևոր դերակատարում ունի նաև Ղազախստանը։ Նշվել է նաև, որ Հյուսիս-հարավի կառուցումը կնպաստի հայ-ղազախական տնտեսական կապերի ամրապնդմանը, և Ղազախստանը հնարավորություն կունենա օգտվել այս այլընտրանքային ճանապարհից ևս, որպեսզի սեփական բեռները տեղափոխի դեպի Հայաստան,  Սև ծովի նավահանգիստներ և ապրանքներ ստանա այնտեղից։

 

 

 

 

Վերջին նորությունները

Հայտարարվել է ճանապարհների հիմնանորոգման նախագծման և հեղինակային հսկողության մրցույթ

24-05-2019

Նախագծման փուլի ծառայություններն ակնկալվում է սկսել 2019 թվականի օգոստոս ամսին և ավարտել 2020 թվականի հունվարին: Հետաքրքրության հայտերը պետք է ներկայացնել մինչև 2019թ. հունիսի 07-ը՝ ժամը 18:00։

Կարդալ ավելին

Թումանյան քաղաքից մինչև Օձունի խաչմերուկ ճանապարհահատվածը ժամանակավորապես փակ է լինելու երթևեկության համար

24-05-2019

Մայիսի 27-ին՝ ժամը 15:00-19:00-ն ընկած հատվածում, ժայռապայթեցման աշխատանքների հետևանքով Թումանյան քաղաքից մինչև Օձունի խաչմերուկ ճանապարհահատվածը փակ է լինելու երթևեկության համար։

Կարդալ ավելին

Կապալառուները, տեխհսկողն ու պատվիրատուն քննարկեցին կենսական նշանակության ճանապարհների վերակառուցման հետ կապված հարցեր

24-05-2019

Հանդիպման ընթացքում քննարկվեցին և նախանշվեցին աշխատանքի կազմակերպման հիմնական ուղղությունները։ Նշվեց, որ առաջիկա մեկ շաբաթվա ընթացքում տեղի է ունենալու շինտեղամասերը կապալառուների տնօրինմանը հանձնելու գործընթացը։

Կարդալ ավելին