Նախարարի պաշտոնակատարը այցելել է սահմանամերձ Մովսես-Չորաթան-Նորաշեն համայնքներ

19-12-2018
Տավուշի մարզի սահմանամերձ Մովսես - Չորաթան – Նորաշեն համայնքների բնակիչները համոզված են, որ այսուհետ իրենց կենցաղն ու ապրելակերպն ավելի բարեկեցիկ կդառնա։ Տասնամյակներ ի վեր չնորոգված այս գյուղերն իրար կապող ու միջպետական ճանապարհին միացնող 5,6 կմ երկարությամբ ճանապարհահատվածը նորոգվել ու բարեկարգվել է ՀՀ կառավարության և Համաշխարհային բանկի (ՀԲ) կողմից իրականացվող Կենսական նշանակության ճանապարհացանցի բարելավման ծրագրի լրացուցիչ ֆինանսավորման շրջանակներում։ Վերականգնվել են նաև դեպի դպրոց ու մանկապարտեզ տանող ճանապարհները։
 
Չորաթան համայնքում ամբողջ գյուղով էին պատրաստվել դիմավորելու կատարված աշխատանքներին տեղում ծանոթանալու եկած ՀՀ տրանսպորտի, կապի և տեղեկատվական տեխնոլոգիաների նախարարի պաշտոնակատար Հակոբ Արշակյանին, ճանապարհաշինարարներին, հիմնանորոգման աշխատանքների պատասխանատուներին։
 
Ծրագրի շրջանակներում այս ճանապարհահատվածն ասֆալտապատվել է, հիմնովին վերակառուցվել է ջրահեռացման համակարգը, ճանապարհի 162-րդ կմ-ում գտնվող կամուրջը, կառուցվել են միաձույլ բետոնե և գաբիոնային շարվածքով հենապատեր, նոր մայթեր, իջատեղեր և մուտքեր, տեղադրվել են ճանապարհային նշաններ, արհեստական անհարթություններ, կատարվել են նշագծումներ։
 

 
Կենսական նշանակության ճանապարհացանցի բարելավման ծրագրի շրջանակներում հիմնանորոգվել է նաև Տավուշի մարզի  հանրապետական նշանակության Բերդ – Այգեձոր - Չինարի ավելի քան 4,5 կմ երկարությամբ ճանապարհահատվածը, որը միջպետական ճանապարհի հետ է կապում Նորաշեն - Արծվաբերդ գյուղական համայնքները։
 
Նորաշենցիներն ու արծվաբերդցիները նախարարի պաշտոնակատարին դիմավորեցին համայնքի մուտքի մոտ՝ հիմնանորոգված ճանապարհի սկզբնամասում։
 
Նրանք էլ համոզված են, որ նոր ճանապարհը դրական ազդեցություն է ունենալու գյուղերի զարգացման համար։
 
Հիմնանորոգված ճանապարհը նոր հույսեր է արթնացրել սահմանամերձ այս բնակավայրերում։ Արծվաբերդի վարչական ղեկավար Օնիկ Բալյանը փաստում է նաև շինարարների արագ, որակով ու պատասխանատու մոտեցումն իրենց կատարած աշխատանքին։
 
Իսկ վարորդների համար քարուքանդ ճանապարհին փոխարինած ասֆալտապատ ուղին երկար սպասված երազանք էր, որը հիմա իրականություն է դարձել։
 
Մինչև վերականգնումը՝ քայքայված այս ճանապարհը չուներ նաև բավարար ջրահեռացման համակարգ, չկային ճանապարհային նշաններ ու նշագծումներ։
 
Ծրագրի շրջանակներում կատարվել է  ասֆալտապատում, վերականգնվել է ջրահեռացման համակարգը, կառուցվել են նոր մայթեր, տեղադրվել են ճանապարհային նշաններ, կատարվել են նշագծումներ։
 
Նախարարի պաշտոնակատար Հակոբ Արշակյանը, կարևորելով հատկապես սահմանամերձ բնակավայրերի ճանապարհների բարեկարգման անհրաժեշտությունը, ընդգծեց ճանապարհաշինական աշխատանքներում բարձր որակ ապահովելու անհրաժեշտությունը.
 
Տավուշի մարզի սահմանամերձ այս բնակավայրերի համար կենսական նշանակություն ունեցող ճանապարհահատվածների հիմնանորոգման աշխատանքների մեկնարկը տրվել էր  այս տարվա մարտի 23-ին, աշխատանքների ավարտը նախատեսված էր նոյեմբերի վերջին։
 
Ճանապարհների վերականգնման աշխատանքներն իրականացնող «Արարատ-Ճանշին» և «Տավուշի ՃՇՇ» ընկերությունների ճանապարհաշինարարները պատասխանատվությամբ են մոտեցել իրենց առջև դրված խնդրին, աշխատանքներն ավարտել են որակով և նախանշված ժամկետի շրջանակներում։
 
ՀՀ տրանսպորտի, կապի և տեղեկատվական
տեխնոլոգիաների նախարարության լրատվական ծառայություն

 

 

 

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին