Բնակիչները ծանոթացան հողերի օտարման և տարաբնակեցման ծրագրի մանրամասներին

20-02-2019

Փետրվարի 18-ին և 19-ին Աղձք, Ոսկեվազ, Ուջան, Փարպի, Օշական համայնքներում տեղի են ունեցել հանրային իրազեկման հանդիպումներ, որոնց ընթացքում բնակչությանը ներկայացվել է Հյուսիս-հարավ ճանապարհային միջանցքի ներդրումային ծրագրի Տրանշ-2-ի Աշտարակ-Թալին ճանապարհահատվածի վերակառուցման աշխատանքների շրջանակներում «Ագարակ» պատմամշակութային արգելոցը շրջանցող 8կմ ճանապարհահատվածի նախագիծը։ Հիշեցնենք, որ Հյուսիս-հարավ ճանապարհային միջանցքի շինարարության նախագիծը փոփոխվել է՝ նշված տարածքում գտնվող պատմամշակութային արժեք ներկայացնող համալիրի վրա նվազագույն ազդեցություն ունենալու համար։

Ներկայումս ավարտվել են նոր ծրագծի նախագծման աշխատանքները, և նախագծային փոփոխությունները գտնվում են փորձաքննության փուլում: Հյուսիս-հարավ ճանապարհային միջանցքի ներդրումային ծրագրի շրջանակներում կառուցվելիք նոր ճանապարհահատվածը հատելու է Արագածոտնի մարզի համայնքների մասնավոր և համայնքային սեփականություն հանդիսացող որոշ հողատեսքերի ու գույքի սահմանները: Տարածքներում ազդեցության ենթակա անձանց և տնային տնտեսություններին ամբողջական և լիարժեք փոխհատուցում տրամադրելու նպատակով պետք է մշակվի հողերի օտարման և տարաբնակեցման ծրագիր (ՀՕՏԾ):

Նշված համայնքների բնակչության հետ հանդիպումների ընթացքում «Տրանսպորտային ծրագրերի իրականացման կազմակերպություն» ՊՈԱԿ-ի աշխատակիցները և ՊՈԱԿ-ի հողերի օտարման և տարաբնակեցման գործընթացում ներգրավված խորհրդատու կազմակերպության մասնագետները տեղեկություններ են տրամադրել հողերի օտարման և տարաբնակեցման ծրագրի շրջանակում ազդեցության ենթակա անձանց իրավունքների, փոխհատուցման սկզբունքների, ՀՕՏԾ իրականացման ընթացակարգերի, ինչպես նաև բողոքարկման գործընթացի մասին:

Բոլոր այն հողակտորները, որոնք ենթարկվելու են ազդեցության, մանրամասն չափագրվելու և տեղազննվելու են, գույքագրվելու են այնտեղ առկա մշակաբույսերը, ծառերը, շենք-շինությունները և այլ բարելավումներ։ Դրան զուգահեռ կանցկացվեն նաև ազդակիր տնային տնտեսությունների մարդահամար և սոցիալ-տնտեսական հետազոտություններ, որպեսզի հնարավոր լինի դուրս բերել ազդեցության ենթարկվող խոցելի խմբերը ծրագրի շրջանակներում։ Իրականացված ուսումնասիրությունների արդյունքներով կմշակվի ՀՕՏԾ-ն, որը պետք է հաստատվի Ասիական զարգացման բանկի և  ՀՀ  կառավարության կողմից։ Օտարվող գույքի և կորուստների դիմաց փոխհատուցումները կսահմանվեն մշակվելիք ՀՕՏԾ-ով։

Հանդիպումներին ներկա էր նաև նախագծող ընկերության ներկայացուցիչը, որը ներկայացրեց նախագիծը։

Տրանսպորտային ծրագրերի իրականացման կազմակերպության, խորհրդատու և նախագծող ընկերությունների ներկայացուցիչները պատասխանեցին նաև ներկաների հարցերին, որոնք հիմնականում վերաբերում էին հողերի կադաստրային և շուկայական արժեքներին, նախագծում նշված ուղեանցերին, հաղորդակցուղիներին, դրանց տեղափոխմանը և այլ թեմաների։

Փետրվարի 22-ին հանրային իրազեկման հանդիպում տեղի կունենա նաև Ագարակ համայնքում։

 

Վերջին նորությունները

Կապալառուն իրականացնում է նաև աղբից մաքրման աշխատանքներ և ձմեռային սպասարկում

16-01-2020

Հյուսիս-հարավ ճանապարհային միջանցքի Տրանշ 3-ում՝ Թալին-Գյումրի ճանապարհահատվածում‚ կապալառու կազմակերպության` «Սինոհիդրո Քորփորեյշն» ընկերության կողմից ձմռան ամիսներին կատարվում են ճանապարհի ձմեռային սպասարկման աշխատանքներ։ Կապալառու կազմակերպությունն իրականացնում է նաև ճանապարհն աղբից մաքրելու աշխատանքներ։

Կարդալ ավելին

Ճանապարհաշինության գործընթացում ունեցած ավանդի համար ոլորտի մի շարք աշխատակիցներ նախարար Սուրեն Պապիկյանի կողմից արժանացել են պատվոգրերի

14-01-2020

Պարոն Բադալյանը նախարարի և իր անունից շնորհավորել է պարգևատրվածներին՝ նշելով‚ որ անցած 2019 թվականին ճանապարհաշինության ոլորտում բարձր արդյունքներ են գրանցվել‚ ինչը ՀՀ տարածքային կառավարման և ենթակառուցվածքների նախարարության և համապատասխան ստորաբաժանումների համատեղ աշխատանքի արդյունք է։

Կարդալ ավելին

Քննարկվել են Տրանշ-5-ի նախագծին և հողերի օտարման և տարաբնակեցման ծրագրի պատրաստման գործողությունների ընթացքն առնչվող հարցեր

14-01-2020

Տրանսպորտային ծրագրերի իրականացման կազմակերպությունում հունվարի 14-ին տեղի է ունեցել հանդիպում Հյուսիս-հարավ ճանապարհային միջանցքի Տրանշ-5-ի նախագծման խորհրդատու AIC Progetti S.p.A. (Իտալիա) կազմակերպության ներկայացուցիչ Ֆրանչեսկո դի Պասկուալե Ֆարինայի հետ։

Կարդալ ավելին