Մ6-ում շարունակվում են հիմնանորոգման աշխատանքները

20-08-2019

Մ6 Վանաձոր-Ալավերդի-Վրաստանի սահման միջպետական ավտոճանապարհի երկրորդ՝ Թումանյան-Բագրատաշենի մաքսային անցակետ հատվածում Ասիական զարգացման բանկի և ՀՀ կառավարության համաֆինանսավորմամբ ընթանում են հիմնանորոգման աշխատանքները։ Շինարարական աշխատանքներն ընդգրկում են միջպետական ավտոճանապարհի 51,74 կմ հատվածը։

Մ6-ի` Բագրատաշենից մինչև Նեղոց բնակավայր ճանապարհահատվածում շինաշխատանքներ է կատարում իտալական «Սուարդի» ընկերությունը՝ հիմնանորոգելով միջպետական ճանապարհի մոտ 28 կիլոմետրը: Ընկերությունն այս պահին կառուցում է հենապատեր, շարունակվում են հողային աշխատանքները, կատարվում է ասֆալտբետոնե պատվածքի ֆրեզավորում։ Ավարտվել են 14 կմ հատվածի ֆրեզավորման աշխատանքները Վրաստանի սահմանից սկսած մինչև Այրում քաղաք։ Ըստ «Սուարդիի» ներկայացուցիչ Սիֆ Աբաբասիայի՝ ասֆալտապատման աշխատանքները, նախնական տվյալներով, սեպտեմբերի կեսերից հետո նախատեսում են սկսել Բագրատաշենից։ Շինարարության ընթացքում բնակչությանը պատճառվող անհանգստությունը նվազագույնի հասցնելու նպատակով «Սուարդի» ընկերությունն այն հատվածներում, որտեղ կատարվում է հանույթ, փոշու քանակը վերահսկելու համար ջրցան մեքենաներով իրականացնում է ջրցանում, հարթեցվում են աշխատանքի հետևանքով առաջացած փոսերը։

Հիմնանորոգվող միջպետական ճանապարհի մյուս հատվածներում, որտեղ աշխատանքներ են կատարում «Հորիզոն-95 ՍՊԸ և Օբերոսլեր ԿԱՎ Պիետրոս» և «Բլաք Սի Գրուփ և ԱԱԲ Պրոեկտ ՍՕԸ» համատեղ ձեռնարկությունները, կատարվում են ժայռապայթեցման, հողային, հենապատերի կառուցման, արհեստական կառուցվածքների տեղադրման, ջրահեռացման խողովակների վերակառուցման և այլ տիպի աշխատանքներ։

Շինարարության տեխնիկական հսկողություն իրականացնող ընկերությունը՝ «Սաֆեժ ՍԱՍ և Հիլլ Ինտերնեյշընըլ» համատեղ ձեռնարկությունը, ճանապարհի հիմնանորոգման ամբողջ ընթացքում հետևում է ծրագրի համապատասխանությանն ու անվտանգության նորմերի պահպանմանը։

Վերջին նորությունները

Աշխատաժողով՝ նվիրված հողերի օտարման գործընթացում բողոքների լուծման մեխանիզմներին

21-10-2019

Հանդիպման ընթացքում քննարկվել են բողոքների նույնականացման և գրանցման եղանակները‚ Հյուսիս-հարավ ճանապարհային միջանցքի Տրանշ-1-ում և Տրանշ-2-ում‚ Վանաձոր-Ալավերդի-Վրաստանի սահման միջպետական ճանապարհի (Մ6) հողերի օտարման‚ բողոքների գրանցման ու արձագանքման հետ կապված հարցեր։

Կարդալ ավելին

Մ6-ի՝ Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

18-10-2019

Այս ընթացքում շինաշխատանքներ իրականացնող ընկերության կողմից կատարվում է նաև ճանապարհի սպասարկում։

Կարդալ ավելին

Տ-2-38-Այգեզարդ 2.1 կմ երկարությամբ ճանապարհի վերականգնումն ընթացքի մեջ է

16-10-2019

Կապալառու կազմակերպության՝ «Արարատ-ճանշին» ՍՊԸ-ի կողմից այս պահին ընաթանում են մայթերի կառուցման, ջրահեռացման համակարգի վերականգնման, լիցքի հանույթի եւ այլ աշխատանքներ։

Կարդալ ավելին