Վրաստանի Ճանապարհների դեպարտամենտի մասնագետի հետ քննարկվել են Բագրատաշենի նոր կամրջի նախագծային լուծումները

21-02-2019

Փետրվարի 21-ին Տրանսպորտային ծրագրերի իրականացման կազմակերպության ճանապարհային ենթակառուցվածքների առաջատար ինժեներ Արթուր Սանոյանը հանդիպել է Վրաստանի Ճանապարհների դեպարտամենտի նախագծային բաժնի ղեկավարի տեղակալ Դավիթ Գեթսաձեի հետ։ Հանդիպման ընթացքում քննարկվել են Բագրատաշենի սահմանային հսկողության անցակետի նոր կամրջի շինարարության ծրագրի մանրամասները։ Հիշեցնենք, որ Հայաստան-Վրաստան պետական սահմանի անցակետում՝ Դեբեդ գետի վրա, նոր կամրջի կառուցումը հայ-վրացական համատեղ նախագիծ է։

Արթուր Սանոյանը և Դավիթ Գեթսաձեն անդրադարձել են կապալառուի կողմից ներկայացված կամրջի նախագծային լուծումներին, հայկական և վրացական տարածքներում հողերի օտարմանը, ենթակառուցվածքներին առնչվող հարցերի։

Արթուր Սանոյանը հետաքրքրվել է Ախալցխա-Խուլո ճանապարհի շինարարության ընթացքով, ինչը հնարավորություն կտա էապես կրճատել Հայաստանը վրացական նավահանգիստներին կապող ուղին։ Արթուր Սանոյանը վրաց գործընկերոջը ներկայացրել է նաև Տրանսպորտային ծրագրերի իրականացման կազմակերպության ճանապարհաշինական ծրագրերը՝ Հյուսիս-հարավ ճանապարհային միջանցքի ներդրումային և Վանաձոր-Ալավերդի-Վրաստանի սահման միջպետական ավտոճանապարհի (Մ6) վերականգնման և բարելավման ծրագրերը, որոնք Հայաստանը կապում են Վրաստանի հետ, ինչպես նաև՝ կենսական նշանակության ճանապարհացանցի բարելավման ծրագիրը։

Դավիթ Գեթսաձեն իր հերթին ծանոթացրել է Վրաստանի ճանապարհային դեպարտամենտի ընթացիկ ծրագրերին, այդ թվում՝ Նինոծմինդա-Ախալցխա ճանապարհահատվածի վերանորոգման աշխատանքներին։

 

Վերջին նորությունները

Կապալառուն իրականացնում է նաև աղբից մաքրման աշխատանքներ և ձմեռային սպասարկում

16-01-2020

Հյուսիս-հարավ ճանապարհային միջանցքի Տրանշ 3-ում՝ Թալին-Գյումրի ճանապարհահատվածում‚ կապալառու կազմակերպության` «Սինոհիդրո Քորփորեյշն» ընկերության կողմից ձմռան ամիսներին կատարվում են ճանապարհի ձմեռային սպասարկման աշխատանքներ։ Կապալառու կազմակերպությունն իրականացնում է նաև ճանապարհն աղբից մաքրելու աշխատանքներ։

Կարդալ ավելին

Ճանապարհաշինության գործընթացում ունեցած ավանդի համար ոլորտի մի շարք աշխատակիցներ նախարար Սուրեն Պապիկյանի կողմից արժանացել են պատվոգրերի

14-01-2020

Պարոն Բադալյանը նախարարի և իր անունից շնորհավորել է պարգևատրվածներին՝ նշելով‚ որ անցած 2019 թվականին ճանապարհաշինության ոլորտում բարձր արդյունքներ են գրանցվել‚ ինչը ՀՀ տարածքային կառավարման և ենթակառուցվածքների նախարարության և համապատասխան ստորաբաժանումների համատեղ աշխատանքի արդյունք է։

Կարդալ ավելին

Քննարկվել են Տրանշ-5-ի նախագծին և հողերի օտարման և տարաբնակեցման ծրագրի պատրաստման գործողությունների ընթացքն առնչվող հարցեր

14-01-2020

Տրանսպորտային ծրագրերի իրականացման կազմակերպությունում հունվարի 14-ին տեղի է ունեցել հանդիպում Հյուսիս-հարավ ճանապարհային միջանցքի Տրանշ-5-ի նախագծման խորհրդատու AIC Progetti S.p.A. (Իտալիա) կազմակերպության ներկայացուցիչ Ֆրանչեսկո դի Պասկուալե Ֆարինայի հետ։

Կարդալ ավելին