Կապալառուները, տեխհսկողն ու պատվիրատուն քննարկեցին կենսական նշանակության ճանապարհների վերակառուցման հետ կապված հարցեր

24-05-2019

Մայիսի 24-ին «Տրանսպորտային ծրագրերի իրականացման կազմակերպություն» ՊՈԱԿ-ում տեղի է ունեցել հանդիպում Համաշխարհային բանկի կողմից ֆինանսավորվող Կենսական նշանակության ճանապարհացանցի բարելավման ծրագրի երրորդ տարվա վերականգնվող ճանապարհների կապալառու կազմակերպությունների և շինաշխատանքների նկատմամբ տեխնիկական հսկողություն իրականացնող կազմակերպության՝ գերմանական «Կոքս Քնսալթ ԳՄԲՀ» ընկերության ներկայացուցիչների հետ։

Հայաստանի կենսական նշանակության ճանապարհացանցի բարելավման ծրագրի ղեկավար Լյուդմիլա Աղաբեկյանը տեղեկացրեց, որ ՊՈԱԿ-ը կապալառուների հետ արդեն կնքել է կենսական նշանակության ճանապարհների վերակառուցման 8 պայմանագիր, որոշվել է շինաշխատանքների տեխնիկական հսկողության ծառայություններ մատուցող կազմակերպությունը, և այժմ արդեն պետք է տրվի շինաշխատանքների մեկնարկը։

Հանդիպման ընթացքում քննարկվեցին և նախանշվեցին աշխատանքի կազմակերպման հիմնական ուղղությունները։ Նշվեց, որ առաջիկա մեկ շաբաթվա ընթացքում տեղի է ունենալու շինտեղամասերը կապալառուների տնօրինմանը հանձնելու գործընթացը։

IMG_7702

Լյուդմիլա Աղաբեկյանն ընդգծեց, որ աշխատանքային գրաֆիկ/ժամանկացույցերը կապալառուների կողմից պետք է կազմվեն հնարավորինս օպտիմալ, որովհետև աշխատանքային ծրագրերի ճիշտ պլանավորման և խիստ հսկողության շնորհիվ է հնարավոր որակյալ արդյունք գրանցել ճանապարհաշինական աշխատանքներում։ Առանձնացվեց նաև Տրանսպորտային ծրագրերի իրականացման կազմակերպության ինժեներական թիմի հետ սերտ համագործակցության կարևորությունը։

Հանդիպման ընթացքում կապալառուները բարձրացրին իրենց հուզող հարցերը, ճշգրտվեցին աշխատանքային որոշ խնդիրներ։ Նշվեց, որ ճանապարհաշինությունը ՀՀ կառավարության ուշադրության կենտրոնում է, և բոլոր աշխատանքները պետք է կատարվեն որակով և ժամանակին։

Նշենք, որ 2019 թվականին «Կենսական նշանակության ճանապարհային ցանցի բարելավման ծրագրի լրացուցիչ ֆինանսավորում» ծրագրի շրջանակներում կհիմնանորոգվի մոտ 60 կմ երկարությամբ ճանապարհ՝ Սյունիքի, Արագածոտնի, Արարատի, Արմավիրի, Լոռու, Շիրակի, Տավուշի, Վայոց ձորի մարզերում:

 

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին