Մասնակցություն ԱԶԲ կողմից կազմակերպված աշխատաժողովին

24-09-2018

«Տրանսպորտային ծրագրերի իրականացման կազմակերպություն» ՊՈԱԿ-ի աշխատակիցները՝ Ֆինանսական կառավարման և հաշվապահական հաշվառման բաժնի պետ, գլխավոր հաշվապահ Մանանա Թարփոշյանը, Սոցիալական ազդեցությունների կառավարման ծառայության ղեկավար Սոնա Պողոսյանը, սոցիալական ազդեցության և վերաբնակեցման մասնագետ Շուշան Քոչարյանը, առաջատար իրավաբան Նելլի Հովսեփյանը, սեպտեմբերի 17-19-ը մասնակցել են Ասիական զարգացման բանկի (ԱԶԲ) կողմից կազմակերպված «ԱԶԲ աջակցությամբ իրականացվող ծրագրերի լուծման կարողությունների զարգացում» և «Նախագծման և իրականացման ընթացքում բողոքների լուծման մեխանիզմներ» խորագրերով աշխատաժողովին։

Եռօրյա աշխատանքային հանդիպման ընթացքում քննարկվեցին մի շարք խնդիրներ, ներկայացվեցին դրանց լուծման տարբերակները։ Տեսական մասերն ուղեկցվում էին նաև գործնական աշխատանքներով։ Մասնավորապես, անդրադարձ եղավ ծրագրերի իրականացման ընթացքում հանրային իրազեկման և շահառուների ներգրավման մեթոդներին, հաղորդակցման նրբություններին, բողոքներն ուսումնասիրելու և  դրանց պատասխանելու մեխանիզմներին, բողոքների վերացման առանցքային տարրերին և բազմաթիվ այլ թեմաների։

Աշխատաժողովը խիստ արդիական էր և անհրաժեշտ Տրանսպորտային ծրագրերի իրականացման կազմակերպության ներկայացուցիչների համար, քանի որ գործունեության ընթացքում վերջիններս մշտական շփումների մեջ են հանրության, ազդակիր համայնքների, տարբեր կազմակերպությունների և քաղաքացիական հասարակության հետ, և ստացված գիտելիքները կկիրառվեն ապագա աշխատանքի ընթացքում։

 

 

 

 

 

 

 

 

 

 

Վերջին նորությունները

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

21-11-2019

Նշված ճանապարհները մարզային նշանակության են և երաշխիքային ժամկետից հանելուց հետո հանձնվում են մարզպետարաններին. դրանց հետագա շահագործումն իրականացվելու է վերջիններիս կողմից ընտրված ընկերությունների կողմից։

Կարդալ ավելին

ՀՀ պատվիրակությունը մասնակցում է Արևելյան գործընկերության Տրանսպորտի հարցերով պանելի 17-րդ հանդիպմանը

20-11-2019

Աշխատաժողովի ընթացքում քննարկվում են Եվրամիության ճանապարհային անվտանգության քաղաքականությանը‚ այդ ոլորտում տարբեր երկրների փորձին‚ միմյանց հետ համագործակցությանը‚ գործընկեր երկրների կողմից ստանձնած պարտավորություններին առնչվող և բազմաթիվ այլ հարցեր։

Կարդալ ավելին

Մարալիկ-Քարաբերդ-Ձիթհանքով վերականգնված ճանապարհի վրա որպես փորձնական մոդել կատարվել են շինարարական, միաժամանակ ընթացիկ ամառային և ձմեռային պահպանման աշխատանքներ

14-11-2019

Նոր մոդելը նպաստում է ճանապարհի երկարակեցությանը‚ անվտանգ շահագործմանը‚ ինչը հնարավորություն է տալիս ցանկացած եղանակի ապահովել ճանապարհի անցանելիությունն ու անխափան երթևեկությունը։

Կարդալ ավելին