Սահմանամերձ Չորաթանն այսուհետև կունենա բարեկարգ ճանապարհ

25-09-2018

Տավուշի մարզի սահմանամերձ Չորաթան համայնքն այսուհետև կունենա բարեկարգ ճանապարհ։ Գյուղացիները պատմում են, որ ավելի քան 250 տարվա պատմություն ունեցող իրենց գյուղը երբեք նման ճանապարհ չի ունեցել։ Ճանապարհը կառուցվում է Համաշխարհային բանկի (ՀԲ) աջակցությամբ իրականացվող Կենսական նշանակության ճանապարհային ցանցի բարելավում ծրագրի լրացուցիչ ֆինանսավորում ծրագրի շրջանակներում, իսկ աշխատանքների պատվիրատուն «Տրանսպորտային ծրագրերի իրականացման կազմակերպություն» ՊՈԱԿ-ն է:

Ծրագրի շրջանակներում արդեն իսկ ասֆալտապատվել է նախատեսված մոտ 5,6 կմ ճանապարհի 4,2 կմ հատվածը։  

Ճանապարհի շինարարական աշխատանքներին ծանոթանալու համար Չորաթան են այցելել Համաշխարհային բանկի տրանսպորտային մասնագետ Ռոբերտ Մությաբան և Տրանսպորտային ծրագրերի իրականացման կազմակերպության ներկայացուցիչները։ Այստեղ նրանց դիմավորեցին երգուպարով, դպրոցի բակում կազմակերպված տոնական միջոցառմամբ։  

Համայնքի ղեկավար Վարուժան Բաղմանյանը նշեց, որ սա իրենց համար շատ մեծ ու երկար սպասված նվեր է։ Դպրոցի տնօրենն իր երախտագիտությունը հայտնեց մեծ աշխատանքի, սահմանին կանգնած գյուղացու կողքին լինելու համար։

Համաշխարհային բանկի ներկայացուցիչ Ռոբերտ Մությաբան, ով, ի դեպ, բարձր գնահատեց շինաշխատանքների որակը, առանձնացրեց ՀՀ կառավարության, կապի, տրանսպորտի և տեղեկատվական տեխնոլոգիաների նախարարության, Տրանսպորտային ծրագրերի իրականացման կազմակերպության դերը Չորաթանի և կենսական նշանակության այլ ճանապարհների վերականգնման հարցում։ «Եթե նրանք չընտրեին այս ճանապարհը վերակառուցման համար, մենք այսօր չէինք լինի այստեղ։ Սա նշանակում է, որ կառավարությունը հոգ է տանում այս համայնքի համար։ Պետք է շնորհակալություն հայտնենք նաև շինարարներին, ովքեր իրավամբ շատ լավ աշխատանք են կատարել։ Համայնքի բնակչությունն այսուհետև կկարողանա նաև հեշտությամբ կապվել գլխավոր ճանապարհների հետ»,- նշեց Համաշխարհային բանկի մասնագետը։  

ՀԲ ներկայացուցիչը եղավ նաև Տավուշի մարզում վերականգնվող կենսական նշանակության այլ ճանապարհահատվածներում։

 

 

 

 

 

 

 

Վերջին նորությունները

Հայրենյաց-Հայկասար-Տուֆաշեն-Պեմզաշեն ամբողջովին քայքայված 10.5 կմ երկարությամբ ճանապարհահատվածը վերականգնվում է

22-07-2019

Աշխատանքներն այստեղ մեկնարկել են 2019թ. հունիսին, ավարտը, ըստ պայմանագրի, նախատեսված է շինարարության մեկնարկից տասն ամիս անց։ Այս պահին կատարվում են ճանապարհային ծածկի կառուցման, ջրահեռացման համակարգի վերականգնման և մայթերի կառուցման աշխատանքներ։

Կարդալ ավելին

Սուրեն Պապիկյանը ծանոթացել է Արարատի մարզի ճանապարհաշինական աշխատանքներին

19-07-2019

Նախարարը կարևորել է տեխհսկողությունն իրականացնող ընկերության դերը ճանապարհաշինական աշխատանքներում։

Կարդալ ավելին

Հանդիպում ԵՆԲ ներկայացուցիչների հետ

18-07-2019

Հյուրերը ծանոթացել են Հյուսիս-հարավ ճանապարհային միջանցքի Տրանշ-4-ի Սիսիան-Քաջարան հատվածի կառուցման հետ կապված հարցերին։

Կարդալ ավելին