Կայացել է Բագրատաշենի սահմանային հսկողության անցակետի նոր կամրջի շինարարության ծրագրի միջպետական հանձնաժողովի հայաստանյան կողմի նիստը

26-03-2019

ՀՀ տրանսպորտի, կապի և տեղեկատվական տեխնոլոգիաների նախարարությունում կայացել է Հայաստանի Հանրապետության և Վրաստանի պետական սահմանի «Սադախլո-Բագրատաշեն» անցման կետի տարածքում՝ Դեբեդ գետի վրա, նոր կամրջի կառուցման ծրագրի միջպետական հանձնաժողովի հայաստանյան կողմի նիստը:

Նիստին ներկա էին ՀՀ տրանսպորտի, կապի և տեղեկատվական տեխնոլոգիաների, ՀՀ արտաքին գործերի, ՀՀ էներգետիկ ենթակառուցվածքների և բնական պաշարների, ՀՀ մշակույթի, ՀՀ բնապահպանության, ՀՀ տարածքային կառավարման և զարգացման, ՀՀ արդարադատության նախարարությունների, «Տրանսպորտային ծրագրերի իրականացման կազմակերպություն» ՊՈԱԿ-ի, Քաղաքաշինական ծրագրերի փորձագիտական կենտրոնի, ՀՀ ազգային անվտանգության ծառայության սահմանապահ զորքերի ներկայացուցիչները։

Նիստի ընթացքում քննարկվել են կապալառու կազմակերպության կողմից ներկայացված կամրջի նախագծման նախնական կոնցեպտի տարբերակները: Քննարկումների արդյունքում հանձնաժողովը որոշում է կայացրել նախագծի կոնցեպտի նախընտրելի տարբերակի վերաբերյալ՝ ելնելով տեխնիկական չափանիշներից, ինչպես նաև՝ ֆինանսական և ժամանակային ռեսուրսների առավելություններից:

Կամրջի նախագծային աշխատանքների պաշտոնական մեկնարկը տրվել է 2018թ. նոյեմբերի 30-ին: Նախագծային աշխատանքների համար նախատեսված է 7 ամիս, շինարարական աշխատանքների համար՝ 12: 

Վերջին նորությունները

Արարատի մարզի կենսական նշանակության 3 ճանապարհահատված հանվել է երաշխիքային ժամկետից

06-12-2019

Այդ ճանապարհները վերականգնվել էին 2018թ. ընթացքում և մեկ տարի շարունակ‚ ըստ պայմանագրի‚ գտնվում էին թերությունների համար պատասխանատվության ժամկետում։

Կարդալ ավելին

Կառավարությունը հավանություն է տվել «Կենսական նշանակության ճանապարհային ցանցի բարելավման ծրագրի 2-րդ լրացուցիչ ֆինանսավորում» վարկային համաձայնագիրը վավերացնելու մասին» օրենքի նախագծի վերաբերյալ օրենսդրական նախաձեռնությանը

05-12-2019

Ծրագրի նպատակն է ընտրված կենսական նշանակության ճանապարհները բարելավելու միջոցով գյուղական համայնքների համար բարելավել շուկաներին և ծառայություններին հասանելիությունը և հզորացնել տրանսպորտի ճյուղային նախարարության կարողությունները՝ կենսական նշանակության ճանապարհային ցանցը կառավարելու համար:

Կարդալ ավելին

Հանդիպում Tunnel Sadd Ariana ընկերության ներկայացուցչի հետ

04-12-2019

Վերջնականացվել և պատվիրատուներին է հանձնվել Բագրատաշենի նոր կամրջի մանրամասն նախագիծը, որը հաստատվելուց հետո կսկսվեն շինարարական աշխատանքները։

Կարդալ ավելին