ԱԶԲ Կենտրոնական և Արևելյան Ասիայի բաժնի գլխավոր տնօրենի տեղակալն այցելել է Հյուսիս-հարավ ճանապարհային միջանցքի Տրանշ-3 հատված

26-10-2018

Հոկտեմբերի 25-ին Ասիական զարգացման բանկի (ԱԶԲ) Կենտրոնական և Արևելյան Ասիայի բաժնի գլխավոր տնօրենի տեղակալ Հոնգ Վեյը բանկի և «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչների ուղեկցությամբ այցելել է Հյուսիս-հարավ ճանապարհային միջանցքի Տրանշ-3 հատված։ Հոնգ Վեյը հանդիպում է ունեցել Տրանշ-3-ի կապալառու կազմակերպության՝ «Սինոհիդրո Քորփորեյշն» ընկերության և շինարարության տեխնիկական հսկողությունն իրականացնող «Սպեա Ինջեներիա Եվրոպեա» և «ԱյԱրԴի Ինջինիերինգ կոնսորցիում» իտալական համատեղ ձեռնարկության ներկայացուցիչների հետ։

«Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վազգեն Պետրոսյանը ԱԶԲ գլխավոր տնօրենի տեղակալին ներկայացրել է կատարված ու ընթացիկ շինաշխատանքները։ Նա նշել է, որ Ասիական զարգացման բանկի ֆինանսավորմամբ կառուցվող ճանապարհահատվածում կան որոշակի կազմակերպչական խնդիրներ, սակայն շինարարներն աստիճանաբար լուծում են դրանք, և վերջին 2 ամիսներին աշխատանքների ծավալի մեծացումը նկատելի է։ Նա նշել է նաև, որ անհրաժեշտ են որոշ փոփոխություններ՝ ծրագիրը հաջողությամբ առաջ տանելու համար։ Պարոն Պետրոսյանը նկատել է, որ Տրանշ-3-ի շինարարները, Տրանսպորտային ծրագրերի իրականացման կազմակերպությունն ու շինարարության տեխնիկական հսկողությունն իրականացնող կազմակերպությունը սերտորեն համագործակցում են, որպեսզի առկա խնդիրները ժամանակին վերացվեն, և աշխատանքներն ավելի մեծ ծավալով առաջ ընթանան։

Շինարարության տեխնիկական հսկողությունն իրականացնող կազմակերպության աշխատախմբի ղեկավար Վաչե Մինասյանը նշել է, որ շինարարության առջև դրված գլխավոր խնդիրը որակն ու ժամկետներն են։ Ըստ նրա՝ կապալառու կազմակերպության հետ հանդիպումների ընթացքում մշտապես շեշտվում է, որ պետք է աշխատանքներն արագ տեմպերով իրականացվեն, միևնույն ժամանակ՝ բարձր որակով։

Հոնգ Վեյը նկատել է, որ Հյուսիս-հարավ ճանապարհային միջանցքը շատ կարևոր նախագիծ է Հայաստանի համար։ Թիվ մեկ խնդիրն այս ծրագրում որակն է, և համատեղ ուժերով պետք է շարունակել աշխատանքները՝ լավ արդյունքների հասնելու համար։

 

 

 

 

 

 

 

 

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին