Անցկացվեց գենդերային զգայունության բարձրացման թեմայով դասընթաց

28-03-2019

«Տրանսպորտային ծրագրերի իրականացման կազմակերպություն» ՊՈԱԿ-ում Համաշխարհային բանկի (ՀԲ) կողմից անցկացվեց գենդերային զգայունության բարձրացման թեմայով դասընթաց։ Համաշխարհային բանկի փորձագետները և ՊՈԱԿ-ի աշխատակիցները քննարկեցին բանկի կողմից ճանապարհաշինական ծրագրերում հնարավոր բռնության, մասնավորապես գենդերային հիմքով բռնության խնդիրը։ Նշենք, որ ՀԲ աջակցությամբ Տրանսպորտային ծրագրերի իրականացման կազմակերպությունն իրականացնում է Հայաստանի կենսական նշանակության ճանապարհացանցի բարելավման ծրագիրը։

Համաշխարհային բանկն ունի մի շարք քաղաքականություններ, մասնավորապես՝ բնապահպանական, սոցիալական կառավարման, աշխատանքային իրավունքների վերաբերյալ։ Հաշվի առնելով տարբեր երկրներում ճանապարհաշինական ծրագրերի ընթացքում առաջացած ռիսկերը՝ բանկը իր քաղաքականություններին և ռիսկերի գնահատման գործիքներին ավելացրել է նաև գենդերային բռնության հիմքով ծրագրի գնահատումը։ Հայաստանը այս համատեքստում համարվում է որպես ցածր ռիսկայնության երկիր։ Այսուհանդերձ, բնակչության շահերից ելնելով՝ մշակվում են որոշակի վարքագծային կանոններ, որոնց պահպանումը ծրագրի իրականացման ընթացքում պարտադիր է կապալառուների, նրանց անձնակազմերի համար։

Դասընթացի շրջանակներում ՀԲ ներկայացուցիչներն անդրադարձել են բռնության թեմային, դրա տարատեսակներին, քննարկվել են բողոքների վերանայման մեխանիզմները, ինչպես նաև՝ մշակված վարքագծային կանոնները։ Բանկի ներկայացուցիչները պատասխանել են Տրանսպորտային ծրագրերի իրականացման կազմակերպության աշխատակիցների հարցերին։

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին