ՀԲ գրասենյակում տեղի ունեցավ հանդիպում կապալառու կազմակերպությունների հետ

28-09-2018

Սեպտեմբերի 28-ին Համաշխարհային բանկի (ՀԲ) հայաստանյան գրասենյակում Համաշխարհային բանկի տրանսպորտային մասնագետ Ռոբերտ Մությաբան աշխատանքային հանդիպում ունեցավ «Տրանսպորտային ծրագրերի իրականացման կազմակերպություն» ՊՈԱԿ-ի, Կենսական նշանակության ճանապարհային ցանցի բարելավում ծրագրի լրացուցիչ ֆինանսավորում ծրագրի շրջանակներում ճանապարհները վերականգնող կապալառու կազմակերպությունների, տեխնիկական հսկողություն իրականացնող իտալական «Տեքնիտալ» ընկերության ներկայացուցիչների հետ։

Նշենք, որ Ռոբերտ Մությաբան վերջին 10 օրերի ընթացքում այցելել է վերականգնվող կենսական նշանակության ճանապարհահատվածներ, ծանոթացել շինարարական աշխատանքներին։

Հանդիպման սկզբում պարոն Մությաբան ներկայացրեց 2009 թվականից մեկնարկած Կենսական նշանակության ճանապարհային ցանցի բարելավման ծրագիրը, դրա նպատակները։ Ռոբերտ Մությաբան ընդգծեց, որ վերականգնվող ճանապարհները գյուղական համայնքները կապում են հիմնական ենթակառուցվածքների հետ։ Ծրագրի մեկ այլ նպատակն է տեղական շինարարական կազմակերպությունների կարողությունների զարգացումը, այդ իսկ պատճառով բանկը շարունակաբար հետևում է կատարվող աշխատանքների ընթացքին։

ՀԲ մասնագետը կապալառու կազմակերպություններին ներկայացրեց իր այն դիտարկումները, որոնք արձանագրել էր շինհրապարակներ կատարած այցելությունների ընթացքում։ Քննարկվեցին ճանապարհների վերականգնման աշխատանքների որակի, ժամկետների հետ կապված հարցեր։

Կենսական նշանակության ճանապարհների ծրագրի ղեկավար Լյուդմիլա Աղաբեկյանը ներկայացրեց շինաշխատանքների կատարողականը՝ նկատելով, որ ճանապարհների վերականգնման աշխատանքները հիմնականում կա՜մ ավարտվել են, կա՜մ իրականացվում են ըստ ժամանակացույցի։ Եվ ընդամենը երկու ճանապարհներում մտավախություն կա, որ կապալառուն գուցե չկարողանա աշխատանքներն ավարտել նախատեսված ժամկետներում։

Կապալառու ընկերությունների ներկայացուցիչները բարձրացրին իրենց մտահոգող հարցերը, կողմերի միջև տեղի ունեցավ շահագրգիռ քննարկում։

 

 

 

 

Վերջին նորությունները

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

21-11-2019

Նշված ճանապարհները մարզային նշանակության են և երաշխիքային ժամկետից հանելուց հետո հանձնվում են մարզպետարաններին. դրանց հետագա շահագործումն իրականացվելու է վերջիններիս կողմից ընտրված ընկերությունների կողմից։

Կարդալ ավելին

ՀՀ պատվիրակությունը մասնակցում է Արևելյան գործընկերության Տրանսպորտի հարցերով պանելի 17-րդ հանդիպմանը

20-11-2019

Աշխատաժողովի ընթացքում քննարկվում են Եվրամիության ճանապարհային անվտանգության քաղաքականությանը‚ այդ ոլորտում տարբեր երկրների փորձին‚ միմյանց հետ համագործակցությանը‚ գործընկեր երկրների կողմից ստանձնած պարտավորություններին առնչվող և բազմաթիվ այլ հարցեր։

Կարդալ ավելին

Մարալիկ-Քարաբերդ-Ձիթհանքով վերականգնված ճանապարհի վրա որպես փորձնական մոդել կատարվել են շինարարական, միաժամանակ ընթացիկ ամառային և ձմեռային պահպանման աշխատանքներ

14-11-2019

Նոր մոդելը նպաստում է ճանապարհի երկարակեցությանը‚ անվտանգ շահագործմանը‚ ինչը հնարավորություն է տալիս ցանկացած եղանակի ապահովել ճանապարհի անցանելիությունն ու անխափան երթևեկությունը։

Կարդալ ավելին