Պատվիրատու-կապալառու-տեխհսկող ձևաչափով հանդիպմանը քննարկվեց Մ6 ճանապարհի վերականգնման ընթացքը

31-01-2019

Հունվարի 31-ին «Տրանսպորտային ծրագրերի իրականացման կազմակերպություն» ՊՈԱԿ-ում տեղի է ունեցել հանդիպում Մ6, Վանաձոր-Ալավերդի-Վրաստանի սահման միջպետական ավտոճանապարհի երկրորդ փուլի («Թումանյան» կայարան-Բագրատաշենի սահմանային անցակետ) շինարարական աշխատանքներն իրականացնող կապալառու կազմակերպությունների, շինաշխատանքների նկատմամբ տեխնիկական հսկողություն իրականացնող «Սաֆեժ» ընկերության ներկայացուցիչների հետ։

Տրանսպորտային ծրագրերի իրականացման կազմակերպության գլխավոր տնօրենի ժամանակավոր պաշտոնակատար Քրիստինե Ղալեչյանը նշեց, որ պարբերաբար կազմակերպվող քննարկումների նպատակը ծագած հարցերն արձանագրելն ու համատեղ ջանքերի ներդրմամբ աշխատանքների արդյունավետության բարձրացմանն ու առաջացած խնդիրների առավել արագ լուծմանը նպաստելն է։

Կապալառուների կողմից հնչեցվեցին որոշակի հարցեր՝ ջրագծերի, կոյուղագծերի, նախագծի, դրա ճշգրտումների հետ կապված։ Կապալառուները նշեցին, որ որոշակի պրոբլեմներ են ծագում ճանապարհի շինաշխատանքների ընթացքում առաջացող ավելցուկային հողագրունտը տեղավորելու առնչությամբ։ Մասնավորապես, ավելցուկային հողագրունտի ժամանակավոր ամբարման համար 8 կմ շառավղով հեռավորության վրա շատ դժվար է գտնել համապատասխան տարածք։ Խնդրի կապակցությամբ որոշակի առաջարկներ արվեցին։ Շեշտվեց, որ հարցը պետք է լուծում ստանա՝ բնապահպանական բոլոր նորմերը խստիվ պահպանելով։

Տրանսպորտային ծրագրերի իրականացման կազմակերպության ներկայացուցիչները նշեցին, որ նախատեսվում է Ասիական զարգացման բանկի հետ համագործակցաբար կապալառուների համար կազմակերպել շինաշխատանքների ընթացքում բնապահպանական խնդիրներին առնչվող սեմինար-պարապմունք։

Հանդիպմանը հատուկ անդրադարձ եղավ Ալավերդի քաղաքով անցնող ճանապարհահատվածի շինարարական աշխատանքներին և այնտեղ առաջացած խնդիրներին։

Հանդիպման ընթացքում արծարծվեցին նաև հողերի օտարմանը և տարաբնակեցմանը վերաբերող թեմաներ։  

Պատվիրատու-կապալառու-տեխհսկող ձևաչափով հաջորդ հանդիպումը տեղի կունենա 10 օրից, որի շրջանակներում կքննարկվի այս ընթացքում աշխատանքների առաջընթացը։

 

Վերջին նորությունները

Կատարվում են եզրաքարերի տեղադրման, ջրահեռացման համակարգի վերականգնման աշխատանքներ

24-06-2019

2019թ. հունիսի 19-ի դրությամբ հողային աշխատանքների 90 տոկոսն ավարտված է: Այս պահին կատարվում են եզրաքարերի տեղադրման, ջրահեռացման համակարգի վերականգնման աշխատանքներ:

Կարդալ ավելին

Հանրային քննարկում՝ Բագրատաշենի նոր կամրջի շինարարության շրջակա միջավայրի վրա ազդեցությունների գնահատման թեմայով

21-06-2019

Բագրատաշենում արդեն իսկ իրականացվել է երկու հանրային քննարկում, որոնց ընթացքում ներկայացվել ու քննարկվել են նախագծի նախնական լուծումները, ինչպես նաև շրջակա միջավայրի վրա ազդեցության նախնական գնահատման հայտը։

Կարդալ ավելին

Հանրապետության 6 մարզերի շուրջ 47 կմ երկարությամբ կենսական նշանակության ճանապարհահատվածներում սկսվել են վերականգնման աշխատանքները

19-06-2019

Կենսական նշանակության ճանապարհների վերականգնման աշխատանքները ներառում են հողային պաստառի վերականգնում, ճանապարհային պատվածքի վերակառուցում, ճանապարհային անվտանգության ապահովում։ Վերականգնվելու են նաև ջրահեռացման համակարգերը, կատարվելու են կահավորման աշխատանքներ։

Կարդալ ավելին