Պատրաստ է Բագրատաշենի նոր կամրջի վերջնական նախագծի նախնական տարբերակը

31-05-2019

Մայիսի 31-ին «Տրանսպորտային ծրագրերի իրականացման կազմակերպություն» ՊՈԱԿ-ում կայացել է հանդիպում Բագրատաշենի սահմանային հսկողության անցակետում՝ Դեբեդ գետի վրա, նոր կամրջի նախագծման և շինարարական աշխատանքների մրցույթը շահած իրանական Tunnel Sadd Ariana ընկերության ներկայացուցիչների հետ։

Բագրատաշենի սահմանային հսկողության անցակետի նոր կամրջի շինարարության ծրագրի ղեկավար Աստղիկ Սահակյանը և ՊՈԱԿ-ի ճանապարհային ենթակառուցվածքների առաջատար ինժեներ Արթուր Սանոյանը իրանական կողմի հետ քննարկել են կամրջի վերջնական նախագծի նախնական տարբերակը։ Տրանսպորտային ծրագրերի իրականացման կազմակերպության մասնագետներն առաջիկայում կդիտարկեն ներկայացված նախագիծը, դիտողություններ ունենալու դեպքում կներկայացնեն այն նախագծողին։

Հանդիպման ընթացքում անդրադարձ եղավ նաև կամրջի շինարարության նախապատրաստական աշխատանքներին՝ շինհրապարակի կազմակերպմանը, ցանկապատմանը և այլն։ Քննարկվեց նաև շինարարությունը մեկնարկելուց հետո երթևեկության կազմակերպման հարցը, որպեսզի կապալառուն հնարավորություն ունենա անհրաժեշտ նյութերը տեղափոխել շինհրապարակ։

Հիշեցնենք, որ Բագրատաշենի նոր կամրջի նախագծային աշխատանքների պաշտոնական մեկնարկը տրվել էր 2018թ. նոյեմբերի 30-ին: Նախագծային աշխատանքների համար նախատեսված է 7 ամիս, շինարարական աշխատանքների համար՝ 12 ամիս:

Վերջին նորությունները

Աշխատաժողով՝ նվիրված հողերի օտարման գործընթացում բողոքների լուծման մեխանիզմներին

21-10-2019

Հանդիպման ընթացքում քննարկվել են բողոքների նույնականացման և գրանցման եղանակները‚ Հյուսիս-հարավ ճանապարհային միջանցքի Տրանշ-1-ում և Տրանշ-2-ում‚ Վանաձոր-Ալավերդի-Վրաստանի սահման միջպետական ճանապարհի (Մ6) հողերի օտարման‚ բողոքների գրանցման ու արձագանքման հետ կապված հարցեր։

Կարդալ ավելին

Մ6-ի՝ Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

18-10-2019

Այս ընթացքում շինաշխատանքներ իրականացնող ընկերության կողմից կատարվում է նաև ճանապարհի սպասարկում։

Կարդալ ավելին

Տ-2-38-Այգեզարդ 2.1 կմ երկարությամբ ճանապարհի վերականգնումն ընթացքի մեջ է

16-10-2019

Կապալառու կազմակերպության՝ «Արարատ-ճանշին» ՍՊԸ-ի կողմից այս պահին ընաթանում են մայթերի կառուցման, ջրահեռացման համակարգի վերականգնման, լիցքի հանույթի եւ այլ աշխատանքներ։

Կարդալ ավելին