Քննարկվել են Բագրատաշենի կամրջի նախագծման աշխատանքների մեկնարկի հետ կապված հարցեր

05-09-2018

Սեպտեմբերի 4-ին «Տրանսպորտային ծրագրերի իրականացման կազմակերպություն» ՊՈԱԿ-ում Բագրատաշենի սահմանային հսկողության անցակետի նոր կամրջի շինարարության ծրագրի ղեկավար Աստղիկ Սահակյանը հանդիպել է Բագրատաշենում Դեբեդ գետի վրա նոր կամրջի կառուցման շինարարական աշխատանքների ինժեներական ծառայություններ մատուցող Soosung Engineering Co., Ltd. կազմակերպության մենեջեր Կեն Կիմի հետ։

Քննարկվել են կամրջի նախագծման աշխատանքների մեկնարկի հետ կապված կազմակերպչական հարցեր, մասնավորապես՝ ինժեներական թիմի մոբիլիզացիայի ժամանակացույցը: Հստակեցվել են կողմերի հաղորդակցության ձևաչափերը՝ աշխատանքներն առավել արդյունավետ դարձնելու նպատակով: Անդրադարձ է եղել նաև պայմանագրային այլ հարցերի։

Նշենք, որ Բագրատաշենի կամրջի նախագծային աշխատանքների մեկնարկն ակնկալվում է արդեն այս ամիս: Ներկայում տարվում են համապատասխան աշխատանքներ պետական կառույցների հետ՝ նախագծային և շինարարական գործընթացների համար անհրաժեշտ թույլտվությունների ձեռքբերման նպատակով:

Հայաստանի և Վրաստանի սահմանները միացնող նոր կամրջի շինարարությունը հայ-վրացական համատեղ ծրագիր է, կամրջի կառուցման աշխատանքները համակարգում է հայ-վրացական միջկառավարական համատեղ հանձնաժողովը։ Բագրատաշենի կամրջի նախագծման և շինարարական աշխատանքներն իրականացնելու է իրանական «Ariana Tunnel Dam Co.» ընկերությունը։

 

 

 

 

 

Վերջին նորությունները

Հայտարարվել է ճանապարհների հիմնանորոգման նախագծման և հեղինակային հսկողության մրցույթ

24-05-2019

Նախագծման փուլի ծառայություններն ակնկալվում է սկսել 2019 թվականի օգոստոս ամսին և ավարտել 2020 թվականի հունվարին: Հետաքրքրության հայտերը պետք է ներկայացնել մինչև 2019թ. հունիսի 07-ը՝ ժամը 18:00։

Կարդալ ավելին

Թումանյան քաղաքից մինչև Օձունի խաչմերուկ ճանապարհահատվածը ժամանակավորապես փակ է լինելու երթևեկության համար

24-05-2019

Մայիսի 27-ին՝ ժամը 15:00-19:00-ն ընկած հատվածում, ժայռապայթեցման աշխատանքների հետևանքով Թումանյան քաղաքից մինչև Օձունի խաչմերուկ ճանապարհահատվածը փակ է լինելու երթևեկության համար։

Կարդալ ավելին

Կապալառուները, տեխհսկողն ու պատվիրատուն քննարկեցին կենսական նշանակության ճանապարհների վերակառուցման հետ կապված հարցեր

24-05-2019

Հանդիպման ընթացքում քննարկվեցին և նախանշվեցին աշխատանքի կազմակերպման հիմնական ուղղությունները։ Նշվեց, որ առաջիկա մեկ շաբաթվա ընթացքում տեղի է ունենալու շինտեղամասերը կապալառուների տնօրինմանը հանձնելու գործընթացը։

Կարդալ ավելին