Կարմրաշեն-Ոսկեթաս-Զովասար ճանապարհին կատարվում են հողային, ճանապարհային ծածկի տեղադրման աշխատանքներ

09-08-2018 8:42

Արագածոտնի մարզի Կարմրաշեն-Ոսկեթաս-Զովասար գյուղական համայնքները միմյանց կապող մոտ 11,5 կմ երկարությամբ ավտոճանապարհի վրա ընթանում են բարեկարգման աշխատանքներ։ Դրանք իրականացվում են «Տրանսպորտային ծրագրերի իրականացման կազմակերպություն» ՊՈԱԿ-ի «Կենսական նշանակության ճանապարհային ցանցի բարելավում ծրագրի լրացուցիչ ֆինանսավորում» ծրագրի շրջանակներում։ Տրանսպորտային ծրագրերի իրականացման կազմակերպության գլխավոր տնօրենի պաշտոնակատար Վազգեն Պետրոսյանը և կազմակերպության ներկայացուցիչներն այցելել են Արագածոտնի մարզ՝ ծանոթանալու շինարարական աշխատանքների ընթացքին։

Նշված ճանապարհի հիմնանորոգումը մեկնարկել է այս տարվա մարտին, ավարտը, ըստ պայմանագրի, նախատեսվում է սույն թվականի դեկտեմբերին։ Շինարարությունն իրականացնում է «Ա.Ա.Բ. Պրոեկտ» ընկերությունը։ Այցելության պահին շինարարը կատարում էր հողային, ճանապարհային ծածկի տեղադրման, մայթերի կառուցման աշխատանքներ։

Տրանսպորտային ծրագրերի իրականացման կազմակերպության ներկայացուցիչները արձանագրել են, որ մարզային նշանակության Կարմրաշեն-Ոսկեթաս-Զովասար ավտոճանապարհի վերականգնման ընթացքում կապալառուի կողմից նկատվում են որոշ կազմակերպչական բացթողումներ։ Մասնավորապես, նշվել է, որ անհրաժեշտ է շինարարական տեղամասում աշխատանքներն իրականացնել առանձին հատվածներով՝ ապահովելով տեղի բնակչության անվտանգ տեղաշարժը։ Շինարարին հանձնարարվել է աշխատանքները կատարել հերթականությամբ՝ բարեկարգելով ճանապարհի հարակից տարածքները։

Տեղեկացնենք, որ «Կենսական նշանակության ճանապարհային ցանցի բարելավում ծրագրի համար լրացուցիչ ֆինանսավորում» ծրագրի շրջանակներում 2016-2019 թվականներին հանրապետությունում կվերականգնվեն մոտ 190 կմ ընդհանուր երկարությամբ կենսական նշանակության ճանապարհներ:

Ծրագրի իրականացման երկրորդ տարվա՝ 2017- 2018թթ. ընթացքում նախատեսվում է կատարել կենսական նշանակության տասը ճանապարհների (ընդհանուր երկարությունը՝ 61 կմ) վերականգնման աշխատանքներ: Այդ ճանապարհներն ընդգրկում են 16 համայնքներ, որոնցից 14-ը՝ գյուղական։ Ծրագիրն առնչվում է մոտ 34 հազար բնակչության հետ։

 

Վերջին նորությունները

Թումանյան քաղաքից մինչև «Սանահին» կայարան ճանապարհահատվածը ժամանակավորապես փակ է լինելու երթևեկության համար

20-03-2019

Վանաձոր-Ալավերդի-Վրաստանի սահման (Մ6) միջպետական ավտոճանապարհին մարտի 20-ին իրականացվելու են պայթեցման աշխատանքներ, ինչի պատճառով ժամը 11:00-18:00-ն ընկած հատվածում Թումանյան քաղաքից մինչև «Սանահին» կայարան ճանապարհահատվածը փակ է լինելու երթևեկության համար։

Կարդալ ավելին

Թալին-Գյումրի ճանապարհահատվածում շարունակվում են անցանելիության որակի բարձրացման աշխատանքները

15-03-2019

Աշխատանքները կատարվում են ամենօրյա ռեժիմով և կշարունակվեն մինչև ձմեռային շրջանի ավարտը, որից հետո արդեն միջոցներ կձեռնարկվեն խնդրին առավել հիմնավոր լուծում տալու ուղղությամբ։

Կարդալ ավելին

Քննարկվեցին բնապահպանական թեմաներ

15-03-2019

Տրանսպորտային ծրագրերի իրականացման կազմակերպության ներկայացուցիչները Դունկան Լանգի և Արմինե Եդիգարյանի հետ նախապես այցելել էին Մ6, Վանաձոր-Ալավերդի-Վրաստանի սահման միջպետական ավտոճանապարհի և Հյուսիս-հարավ ներդրումային ծրագրի Տրանշ-3-ի՝ Ասիական զարգացման բանկի ֆինանսավորմամբ հիմնանորոգվող հատվածներ, իրականացրել դիտարկում։

Կարդալ ավելին