Քննարկվեց ավելցուկային հողագրունտի տեղավորման հարցը

10-08-2018

Օգոստոսի 9-ին «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչներն այցելել էին Վանաձոր, որտեղ տեղի է ունեցել Մ6, Վանաձոր-Ալավերդի-Վրաստանի սահման միջպետական ավտոճանապարհի վերականգնման և բերալավման ծրագրի՝ Ասիական զարգացման բանկի կողմից ֆինանսավորվող հատվածի ավելցուկային հողագրունտի տեղադրման վայրերի հայտնաբերման մասին քննարկում։ Հանդիպմանը մասնակցում էին Լոռու փոխմարզպետ Արամ Խաչատրյանը, Ախթալա, Թումանյան, Շնող և այլ համայնքների ղեկավարներ, բնապահպաններ, շինարարներ, ինժեներներ, ՀՀ տարածքային կառավարման և զարգացման, արտակարգ իրավիճակների նախարարությունների և այլ շահագրգիռ կողմերի աշխատակիցներ։ 

Ավտոճանապարհը վերականգնող կապալառու շինարարական կազմակերպությունների ներկայացուցիչները նշեցին, որ շինարարական թափոնները տեղավորելու, ավելցուկային գրունտը նպատակային օգտագործելու խնդիր կա։

«Հորիզոն-95» ՍՊԸ ղեկավարն ընդգծեց, որ Վանաձոր-Ալավերդի-Վրաստանի սահման միջպետական ավտոճանապարհի՝ իրենց կողմից վերականգնվող հատվածից ավելի քան 400 հազար խմ ավելցուկային գրունտը համապատասխան վայրում զետեղելու խնդիր ունեն։ Հարցի առնչությամբ իրենք հանդիպել են համայնքների ղեկավարների հետ, քննարկել մի շարք հնարավոր տարբերակներ, սակայն արված առաջարկները չեն կարող ամբողջությամբ ներառել նշված ծավալի շինարարական թափոնը։ 

Տրանսպորտային ծրագրերի իրականացման կազմակերպության բնապահպանության և հնագիտության մասնագետ Միքայել Թևոսյանը պատասխանեց ներկաների մի շարք հարցերին։ Նա մասնավորապես նշեց, որ տեղափոխվող ծավալը շինարարական աղբ է, որը դասակարգվում է ոչ վտանգավոր թափոնների շարքին։ Նախագծի շրջանակներում երկրաբանական հետազոտություններ իրականացվել են, հողային շերտն իդենտիֆիկացվել է, և լրացուցիչ փորձաքննության անհրաժեշտություն այս պահին չկա։

Հանդիպման ընթացքում որոշում կայացվեց, որ շինարարները համայնքների ղեկավարների հետ կշրջեն տեղանքում, կհստակեցվեն տարածքները, որտեղ հնարավորություն կա նշված ծավալների հողագրունտի տեղադրման համար։ Հետագա հանդիպման ընթացքում կարվեն հստակ առաջարկներ՝ նախանշելով հարցի լուծման ուղիները։

 

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին