Վայոց ձորի և Սյունիքի մարզերում ընթանում են կենսական նշանակության ավտոճանապարհների վերականգնման աշխատանքներ

10-09-2018

Մարզային նշանակության Մ2, Կարմրաշեն ավտոճանապարհի մոտ 11 կիլոմետրանոց ճանապարհահատվածում ավարտական փուլում են գտնվում հողային պաստառի, ջրահեռացման համակարգի վերականգնման, կողային առուների իրականացման, քարաթափման տեղամասերում ցանցերի տեղադրման, գաբիոնային շարվածքի կառուցման աշխատանքները։

Վերականգնվող ճանապարհահատվածը սկիզբ է առնում Մ2, Երևան-Երասխ-Գորիս-Մեղրի- Իրանի սահման միջպետական ավտոճանապարհից և ավարտվում Հերհեր համայնքի կենտրոնական մասում։ Վայոց ձորի Հերհեր համայնքի հատվածում կապալառուն՝ «Բլեսկ» ՍՊԸ-ն, ավարտել է հենապատերի կառուցումն ու երկաթբետոնե վաքերի տեղադրումը։ Արդեն անցկացվել են գյուղի հատվածում նախագծով նախատեսված 946 մ խմելու ջրի և 131 մ կոյուղատար գծերը։ Ավարտվել է նաև Հերհերի կենտրոնական հատվածի ասֆալտապատումը։  

Այժմ ընթանում է նշված ճանապարհահատվածի խճային հիմքի և ասֆալտբետոնե ծածկի տեղադրումը։ Շարունակվում են քարաթափման տեղամասերում ցանցերի, իջատեղերում մետաղական խողովակների տեղադրման և արհեստական կառուցվածքների նորոգման աշխատանքները։ Այս պահին իրականացված աշխատանքների ծավալը կազմում է 42 տոկոս։ Ճանապարհահատվածի վերականգնման ավարտը նախատեսված է 2019թ. փետրվարին։

Վերականգնվում է նաև Սյունիքի մարզի Շամբ գյուղ տանող ճանապարհի խաչմերուկից սկսվող, Դարբաս, Գետաթաղ, Լոր համայնքներով անցնող և մինչև Շենաթաղ համայնքի կենտրոնական մաս հասնող 13 կիլոմետրանոց ճանապարհահատվածը։ Կապալառու կազմակերպությունը կատարում է հողային պաստառի վերականգնման հանույթի, լիցքի, կողային առուների իրականացման, գաբիոնային շարվածքի կառուցման, ջրահեռացման համակարգի վերականգնման աշխատանքներ։

Տեղեկացնենք, որ նշված ճանապարհահատվածները վերականգնվում են Համաշխարհային բանկի աջակցությամբ իրականացվող Կենսական նշանակության ճանապարհային ցանցի բարելավում ծրագրի լրացուցիչ ֆինանսավորում ծրագրի շրջանակներում, իսկ աշխատանքների պատվիրատուն հանդիսանում է «Տրանսպորտային ծրագրերի իրականացման կազմակերպություն» ՊՈԱԿ-ը:   

 

 

 

 

 

 

 

 

Վերջին նորությունները

Արարատի մարզի կենսական նշանակության 3 ճանապարհահատված հանվել է երաշխիքային ժամկետից

06-12-2019

Այդ ճանապարհները վերականգնվել էին 2018թ. ընթացքում և մեկ տարի շարունակ‚ ըստ պայմանագրի‚ գտնվում էին թերությունների համար պատասխանատվության ժամկետում։

Կարդալ ավելին

Կառավարությունը հավանություն է տվել «Կենսական նշանակության ճանապարհային ցանցի բարելավման ծրագրի 2-րդ լրացուցիչ ֆինանսավորում» վարկային համաձայնագիրը վավերացնելու մասին» օրենքի նախագծի վերաբերյալ օրենսդրական նախաձեռնությանը

05-12-2019

Ծրագրի նպատակն է ընտրված կենսական նշանակության ճանապարհները բարելավելու միջոցով գյուղական համայնքների համար բարելավել շուկաներին և ծառայություններին հասանելիությունը և հզորացնել տրանսպորտի ճյուղային նախարարության կարողությունները՝ կենսական նշանակության ճանապարհային ցանցը կառավարելու համար:

Կարդալ ավելին

Հանդիպում Tunnel Sadd Ariana ընկերության ներկայացուցչի հետ

04-12-2019

Վերջնականացվել և պատվիրատուներին է հանձնվել Բագրատաշենի նոր կամրջի մանրամասն նախագիծը, որը հաստատվելուց հետո կսկսվեն շինարարական աշխատանքները։

Կարդալ ավելին