Նախարարը այցելեց Տրանշ-2 և Տրանշ-3

12-07-2017

11 Հուլիսի, 2017 թ. ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը այցելեց «Հյուսիս-հարավ ճանապարհային միջանցք» ներդրումային ծրագրի Տրանշ 2-ի շրջանակներում կառուցվող Աշտարակ-Թալին և Տրանշ 3-ի շրջանակներում կառուցվող Թալին-Լանջիկ և Լանջիկ-Գյումրի ճանապարհահատվածների շինարարական աշխատանքների իրականացման շինհրապարակներ:

Տրանշ 2-ի շրջանակներում, նախարարը հանդիպեց ծրագիրն 

իրականացնող ֆրանսիական «Սաֆեժ» և իսպանական «Կորսան Կորվիամ» ընկերությունների ներկայացուցիչներին և ծանոթացավ ծրագրի շինարարական աշխատանքների ընթացքի հետ:

Նախարարն իր գոհունակությունը հայտնեց աշխատանքների առաջընթացի իրականացման վերաբերյալ և տվեց համապատասխան հանձնարարականներ:

Տրանշ 3-ի շրջանակներում, նախարարը հանդիպեց ծրագիրն իրականացնող «Սինոհիդրո Քորփորեյշն»,«Սպեա Ինջեներիա Եվրոպեա» և «ԱյԱրԴի Ինջիերինգ» ընկերության ներկայացուցիչների հետ` ՀՀ-ում Չինաստանի Ժողովրդական Հանրապետության արտակարգ և լիազոր դեսպան Թիան Էրլունի հետ միասին: 
«Սինոհիդրո Քորփորեյշն» ընկերության ղեկավարը նախարարին ներկայացրեց շինարարական աշխատանքների պլանը, առաջընթացը, առանձնացրեց աշխատանքների իրականացման հետ կապված խնդիրները և խոչընդոտները:


Հանդիպման ընթացքում նախարարը մեկ անգամ ևս կարևորեց բարձր որակով ճանապարհի կառուցումը և ընգծեց, որ «Սինոհիդրո Քորփորեյշն»-ը պարտավոր է անհապաղ ձեռնարկել հստակ և արդյունավետ միջոցառումներ ծրագրի բնականոն առաջընթացը ապահովելու նպատակով և հանձնարարեց «Տրանսպորտային ծրագրերի իրականացման կազմակերպություն» ՊՈԱԿ-ի տնօրենի ժամանակավոր պաշտոնակատար Վարդան Կարապետյանին իրականացնել ամենօրյա վերահսկողություն «Սինոհիդրո Քորփորեյշն» ընկերության կողմից իրականացվող շինարարական աշխատանքների և աշխատանքային ծրագրի վրա:

Հյուսիս-հարավ ներդրումային ծրագրի Տրանշ 2-ի շինարարությունն իրականացվում է Ասիական զարգացման բանկի տրամադրած վարկային միջոցների հաշվին:

Հյուսիս-հարավ ներդրումային ծրագրի Տրանշ 3-ի շինարարությունն իրականացվում է Ասիական զարգացման բանկի և Եվրոպական Ներդրումային Բանկի տրամադրած վարկային միջոցների հաշվին:

Վերջին նորությունները

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

21-11-2019

Նշված ճանապարհները մարզային նշանակության են և երաշխիքային ժամկետից հանելուց հետո հանձնվում են մարզպետարաններին. դրանց հետագա շահագործումն իրականացվելու է վերջիններիս կողմից ընտրված ընկերությունների կողմից։

Կարդալ ավելին

ՀՀ պատվիրակությունը մասնակցում է Արևելյան գործընկերության Տրանսպորտի հարցերով պանելի 17-րդ հանդիպմանը

20-11-2019

Աշխատաժողովի ընթացքում քննարկվում են Եվրամիության ճանապարհային անվտանգության քաղաքականությանը‚ այդ ոլորտում տարբեր երկրների փորձին‚ միմյանց հետ համագործակցությանը‚ գործընկեր երկրների կողմից ստանձնած պարտավորություններին առնչվող և բազմաթիվ այլ հարցեր։

Կարդալ ավելին

Մարալիկ-Քարաբերդ-Ձիթհանքով վերականգնված ճանապարհի վրա որպես փորձնական մոդել կատարվել են շինարարական, միաժամանակ ընթացիկ ամառային և ձմեռային պահպանման աշխատանքներ

14-11-2019

Նոր մոդելը նպաստում է ճանապարհի երկարակեցությանը‚ անվտանգ շահագործմանը‚ ինչը հնարավորություն է տալիս ցանկացած եղանակի ապահովել ճանապարհի անցանելիությունն ու անխափան երթևեկությունը։

Կարդալ ավելին