Ծանոթացել են Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման աշխատանքներին

12-07-2018 11:12

«Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի ժամանակավոր պաշտոնակատար Վազգեն Պետրոսյանը, ՊՈԱԿ-ի և Եվրոպական ներդրումային բանկի ներկայացուցիչները հուլիսի 11-ին այցելել են Լոռու մարզ՝ ծանոթանալու Մ6, Վանաձոր-Ալավերդի-Վրաստանի սահման միջպետական ավտոճանապարհի (կմ 0+000 - կմ 38+450 հատված) վերականգնման և բարելավման աշխատանքներին։

Ճանապարհի վերականգնման և բարելավման աշխատանքների ավարտը նախատեսված է ընթացիկ տարվա նոյեմբերի վերջին։

Շինարարների կողմից այս պահին հիմնականում կատարվում են հողային պաստառի հարթեցման և ճանապարհային ծածկի հիմքի ու պատվածքի տեղադրման, հենապատերի ամրացման աշխատանքներ, 2 թունելների ջրահեռացման համակարգի (դրենաժ) կառուցման, մուտքերի վերակառուցման աշխատանքներ։ Նախապատրաստվում է նաև 12-րդ կիլոմետրի փլվածքի հետևանքով քանդված հենապատի վերակառուցումը։

Այցելության ընթացքում շինարարները հավաստիացրին, որ շինարարական աշխատանքները կավարտվեն նախատեսված ժամկետներում և պահանջվող որակով։

Ծրագիրը ֆինանսավորվում է Եվրոպական ներդրումային բանկի կողմից` ՀՀ կառավարության համաֆինանսավորմամբ:   

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին