Ի գիտություն ԶԼՄ-ների և ՀԿ-ների ներկայացուցիչների

13-07-2018 9:14
Հարգելի՛ գործընկերներ, ՀՀ տրանսպորտի, կապի և տեղեկատվական տեխնոլոգիաների նախարարությունը և «Տրանսպորտային ծրագրերի իրականացման կազմակերպություն» ՊՈԱԿ-ը հուլիսի 18-ին զանգվածային լրատվամիջոցների և շահագրգիռ հասարակական կազմակերպությունների ներկայացուցիչների համար կազմակերպում են այցելություն «Հյուսիս-հարավ ճանապարհային միջանցքի ներդրումային ծրագրի» Տրանշ 2՝ Աշտարակ-Թալին և Տրանշ 3՝ Թալին-Լանջիկ, Լանջիկ-Գյումրի ճանապարհահատվածներ: Դուք հնարավորություն կունենանք այցելելու շինտեղամասեր, ծանոթանալու շինարարական աշխատանքների ընթացքին, ստանալու շինարարության հետ կապված ձեզ հետաքրքրող բոլոր հարցերի պատասխանները: 
 
Այցի շրջանակներում նախատեսվում է նաև ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանի մամուլի ասուլիսը։
 
Նախարարը կներկայացնի «Հյուսիս-հարավ ճանապարհային միջանցքի ներդրումային ծրագրի» մանրամասները, կպատասխանի լրագրողների հարցերին։ 
 
Մամուլի ասուլիսին ներկա կլինեն նաև շինարարներ, ինժեներներ, դոնոր կազմակերպությունների ներկայացուցիչներ, որոնք կմանրամասնեն ու պարզաբանումներ կտան մասնագիտական բոլոր հարցադրումներին: 
 
Լուսաբանել ցանկացող լրատվամիջոցների, հասարակական կազմակերպությունների ներկայացուցիչներին, ինչպես նաև բոլոր ցանկացողներին խնդրում ենք (տրանսպորտային փոխադրումը կազմակերպելու նպատակով) մինչև հուլիսի 16-ը՝ ժամը 15:00-ն գրանցվել՝ զանգահարելով 010-59-01-47, 077-20-60-38 և 043-32-23-33 հեռախոսահամարներով։ 
 
Մեկնումը՝ հուլիսի 18-ին՝ ժամը 10.00, Հանրապետության հրապարակից՝ «Հայփոստի» բաժանմունքի մոտից:

Վերջին նորությունները

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

21-11-2019

Նշված ճանապարհները մարզային նշանակության են և երաշխիքային ժամկետից հանելուց հետո հանձնվում են մարզպետարաններին. դրանց հետագա շահագործումն իրականացվելու է վերջիններիս կողմից ընտրված ընկերությունների կողմից։

Կարդալ ավելին

ՀՀ պատվիրակությունը մասնակցում է Արևելյան գործընկերության Տրանսպորտի հարցերով պանելի 17-րդ հանդիպմանը

20-11-2019

Աշխատաժողովի ընթացքում քննարկվում են Եվրամիության ճանապարհային անվտանգության քաղաքականությանը‚ այդ ոլորտում տարբեր երկրների փորձին‚ միմյանց հետ համագործակցությանը‚ գործընկեր երկրների կողմից ստանձնած պարտավորություններին առնչվող և բազմաթիվ այլ հարցեր։

Կարդալ ավելին

Մարալիկ-Քարաբերդ-Ձիթհանքով վերականգնված ճանապարհի վրա որպես փորձնական մոդել կատարվել են շինարարական, միաժամանակ ընթացիկ ամառային և ձմեռային պահպանման աշխատանքներ

14-11-2019

Նոր մոդելը նպաստում է ճանապարհի երկարակեցությանը‚ անվտանգ շահագործմանը‚ ինչը հնարավորություն է տալիս ցանկացած եղանակի ապահովել ճանապարհի անցանելիությունն ու անխափան երթևեկությունը։

Կարդալ ավելին