Ավելցուկային հողագրունտը տեղավորելու առաջարկներ կներկայացվեն

22-08-2018

Օգոստոսի 21-ին «Տրանսպորտային ծրագրերի իրականացման կազմակերպություն» ՊՈԱԿ-ի բնապահպանական ազդեցությունների կառավարման ծառայության ղեկավար Գևորգ Աֆյանի, բնապահպանության և հնագիտության մասնագետ Միքայել Թևոսյանի, Մ6 ծրագրի ինժեներ Միքայել Էլիբեկյանի, Լոռու մարզպետ Հրանտ Մարգարյանի, փոխմարզպետների, համայնքների ղեկավարների, շինկազմակերպությունների, այլ շահագրգիռ կառույցների ներկայացուցիչների մասնակցությամբ տեղի է ունեցել հանդիպում, որի ընթացքում քննարկվել է Մ6, Վանաձոր-Ալավերդի-Վրաստանի սահման միջպետական ավտոճանապարհի շինարարության ընթացքում առաջանալիք ավելի քան 500 հազար խմ ավելցուկային հողագրունտը տեղավորելու հարցը։

Համայնքների ղեկավարներն ավելցուկային հողագրունտը տեղավորելու որոշ տարբերակներ առաջարկեցին։ Հանդիպման արդյունքում որոշում կայացվեց, որ համայնքների ղեկավարները մեկ շաբաթվա ընթացքում առաջարկվելիք տարածքների վերաբերյալ տեղեկատվություն ներկայացնեն մարզպետարանի հողաշինության և հողօգտագործման բաժին: Այստեղ կիրականացվի քարտեզագրում, և առաջարկները կներկայացվեն շահագրգիռ կազմակերպությունների քննարկմանը՝ վերջնական եզրակացության համար:

 

Վերջին նորությունները

Մարալիկ-Քարաբերդ-Ձիթհանքով վերականգնված ճանապարհի վրա որպես փորձնական մոդել կատարվել են շինարարական, միաժամանակ ընթացիկ ամառային և ձմեռային պահպանման աշխատանքներ

14-11-2019

Նոր մոդելը նպաստում է ճանապարհի երկարակեցությանը‚ անվտանգ շահագործմանը‚ ինչը հնարավորություն է տալիս ցանկացած եղանակի ապահովել ճանապարհի անցանելիությունն ու անխափան երթևեկությունը։

Կարդալ ավելին