«Սինոհիդրո» ընկերությանը հանձնարարվել է շատ կարճ ժամկետներում բարելավել աշխատանքները

25-07-2018 15:18

ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը, «Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վազգեն Պետրոսյանը, ՊՈԱԿ-ի աշխատակիցները և Ճանապարհի որակի հսկողությունն իրականացնող «Սպեա Ինջեներիա Եվրոպեա և ԱյԱրԴի Ինջինիերինգ կոնսորցիում» իտալական համատեղ ձեռնարկության ներկայացուցիչները եղան Հյուսիս-հարավ ավտոճանապարհի Տրանշ 3-ի շինհրապարակներում, ծանոթացան ճանապարհաշինական աշխատանքներին։ Տեղեկացնենք, որ ճանապարհաշինական աշխատանքները նշված հատվածում կատարում է չինական «Սինոհիդրո» ընկերությունը։

Նախարարի առաջին կանգառը 1200մ արդեն փռված փորձնական բետոնի տեղամասում էր։ «Սպեա Ինջեներիա Եվրոպեա և ԱյԱրԴի Ինջինիերինգ կոնսորցիում» ընկերության պատասխանատուները, մանրամասնելով իրավիճակը, նշեցին, որ որակի թեստավորման արդյունքներով փորձնական բետոնապատումը չի համապատասխանում առաջադրված ստանդարտներին և ենթակա է քանդման։ Չինական կողմը ևս ընդունում է, որ անորակ աշխատանք է կատարվել։ Ուստի, առաջիկայում այն կքանդվի, և աշխատանքներ կտարվեն նոր, որակով բետոնապատում կատարելու ուղղությամբ։

Շինհրապարակ այցելությունից հետո կայացավ նաև հանդիպում «Սինոհիդրո» ընկերության գրասենյակում, որտեղ քննարկվեցին ընթացիկ աշխատանքներին առնչվող հարցեր, անդրադարձան ծառացած խնդիրներին ու դրանց լուծման ճանապարհներին։

Նախարար Աշոտ Հակոբյանը «Սինոհիդրո»-ի ներկայացուցիչների հետ հանդիպման ընթացքում, մանրամասնորեն ծանոթանալով բոլոր խնդիրներին, ընդգծեց, որ պետությունը, հասարակությունը մտահոգված են շինարարական աշխատանքների տեմպերով, ուստի ամեն ինչ պետք է արվի աշխատանքները նախանշված ժամկետներում և որակով իրականացնելու համար։ Տրվեցին հանձնարարականներ շատ կարճ ժամանակահատվածում խնդիրները վերացնելու և աշխատանքները բարելավելու ուղղությամբ։

 

Վերջին նորությունները

Հայտարարվել է ճանապարհների հիմնանորոգման նախագծման և հեղինակային հսկողության մրցույթ

24-05-2019

Նախագծման փուլի ծառայություններն ակնկալվում է սկսել 2019 թվականի օգոստոս ամսին և ավարտել 2020 թվականի հունվարին: Հետաքրքրության հայտերը պետք է ներկայացնել մինչև 2019թ. հունիսի 07-ը՝ ժամը 18:00։

Կարդալ ավելին

Թումանյան քաղաքից մինչև Օձունի խաչմերուկ ճանապարհահատվածը ժամանակավորապես փակ է լինելու երթևեկության համար

24-05-2019

Մայիսի 27-ին՝ ժամը 15:00-19:00-ն ընկած հատվածում, ժայռապայթեցման աշխատանքների հետևանքով Թումանյան քաղաքից մինչև Օձունի խաչմերուկ ճանապարհահատվածը փակ է լինելու երթևեկության համար։

Կարդալ ավելին

Կապալառուները, տեխհսկողն ու պատվիրատուն քննարկեցին կենսական նշանակության ճանապարհների վերակառուցման հետ կապված հարցեր

24-05-2019

Հանդիպման ընթացքում քննարկվեցին և նախանշվեցին աշխատանքի կազմակերպման հիմնական ուղղությունները։ Նշվեց, որ առաջիկա մեկ շաբաթվա ընթացքում տեղի է ունենալու շինտեղամասերը կապալառուների տնօրինմանը հանձնելու գործընթացը։

Կարդալ ավելին