Ասիական զարգացման բանկի ներկայացուցիչն այցելել է բանկի ֆինանսավորմամբ հիմնանորոգվող և կառուցվող ճանապարհահատվածներ

27-07-2018 11:18

Հուլիսի 25-ին և 26-ին Հայաստանում Ասիական զարգացման բանկի (ԱԶԲ) տրանսպորտային մասնագետ Թոմաս Հերցն այցելել է բանկի ֆինանսավորմամբ հիմնանորոգվող և կառուցվող ճանապարհահատվածներ։

Հուլիսի 25-ին Թոմաս Հերցը և «Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վազգեն Պետրոսյանն այցելել են Մ6, Վանաձոր-Ալավերդի-Վրաստանի սահման միջպետական ճանապարհի Թումանյան-Բագրատաշեն հատված, որը հիմնանորոգվում է ԱԶԲ-ի ֆինանսավորմամբ։ Ինչպես նշեցին շինարարները, աշխատանքները նշված հատվածում նախապատրաստական փուլում են, կատարվում են գեոդեզիական հենանիշների ընդունման-հանձնման, դրանց ճշգրտման աշխատանքներ, որից հետո կսկսվի ծրագծի վերականգնումը։ Վազգեն Պետրոսյանն ու Թոմաս Հերցը տեղում ծանոթացել են նախապատրաստական գործընթացներին, քննարկվել են մի շարք խնդիրներ։ Հանդիպում է կայացել նաև տեխնիկական վերահսկողությունն իրականացնող «Սաֆեժ» ընկերության տեղական գրասենյակում։ Տեղեկացնենք, որ նշված ճանապարհահատվածում ծրագծի վերականգնման և շինարարական աշխատանքները կմեկնարկեն արդեն առաջիկա օրերին։

Հայաստանում Ասիական զարգացման բանկի ներկայացուցիչ Թոմաս Հերցը հուլիսի 26-ին «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչների ուղեկցությամբ այցելել է Հյուսիս-հարավ ճանապարհային միջանցք ներդրումային ծրագրի Տրանշ 2, Տրանշ 3 հատվածների շինհրապարակներ։ Պարոն Հերցը նախ եղել է ճանապարհի որակի հսկողությունն իրականացնող «Սաֆեժ» կազմակերպության գրասենյակում, հանդիպել աշխատախմբի ղեկավար Բրոնիսլավ Դիմիտրիևիչի հետ։ Մանրամասն քննարկվել են Տրանշ-2-ում աշխատանքների ընթացքը, առաջացած խնդիրները, որակին և ժամկետներին առնչվող հարցեր։ Այնուհետև կապալառու կազմակերպության՝ իսպանական «Կորսան Կորվիամ Կոնստրուկսյոն Էս Ա» ընկերության ներկայացուցիչների հետ այցելել են Տրանշ 2-ի շինհրապարակներ։

Թոմաս Հերցի հաջորդ կանգառը Մարալիկում էր՝ Տրանշ 3-ի շինարարության տեխնիկական վերահսկողությունն իրականացնող կազմակերպության՝ Սպեա Ինջեներիա Եվրոպեա և ԱյԱրԴի Ինջինիերինգ կոնսորցիում իտալական համատեղ ձեռնարկության գրասենյակում, որտեղ կայացած հանդիպմանը մասնակցում էին նաև Տրանշ 3-ի կապալառու կազմակերպության՝ չինական «Սինոհիդրո Քորփորեյշն» ընկերության ներկայացուցիչները։

Շինարարության տեխնիկական վերահսկողությունն իրականացնող կազմակերպության աշխատախմբի ղեկավար Վաչե Մինասյանը ներկայացրեց «Սինոհիդրո» ընկերության կատարած աշխատանքների առաջընթացը, արձանագրված ցուցանիշները։ Պարոն Մինասյանը ևս մեկ անգամ շեշտեց, որ Հյուսիս-հարավ նախագիծը հանրության, իշխանությունների մշտական ուշադրության կենտրոնում է, և ՀՀ վարչապետի, տրանսպորտի, կապի, տեղեկատվական տեխնոլոգիաների նախարարության և  Տրանսպորտային ծրագրերի իրականացման կազմակերպության պահանջը կապալառու կազմակերպությունից մեկն է՝ իրականացնել որակյալ աշխատանքներ սահմանված ժամկետներում։

 

 

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին