Ասիական զարգացման բանկի ներկայացուցիչներն այցելել են Հյուսիս-հարավ ճանապարհային միջանցքի Տրանշ-2 հատված

29-08-2018

Ասիական զարգացման բանկի (ԱԶԲ) գործադիր տնօրենի տեղակալ Մարիո Դի Մայոն, ԱԶԲ-ի հայաստանյան գրասենյակի տնօրեն Շեյն Ռոզենտալը, «Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Վազգեն Պետրոսյանն օգոստոսի 28-ին այցելել են Հյուսիս-հարավ ճանապարհային միջանցքի Տրանշ-2 հատված, որտեղ շինարարությունն իրականացնում է իսպանական «Կորսան Կորվիամ Կոնստրուկսյոն Էս Ա» ընկերությունը։

ԱԶԲ ներկայացուցիչները ծանոթացել են ընթացիկ շինարարությանը, քննարկել են ճանապարհի շինարարության որակին, առաջացած խնդիրներին, ճանապարհաշինական ցեմենտի որակական հատկանիշներին առնչվող հարցեր։ Նրանք նաև հանդիպել և զրուցել են Տրանշ 2-ում աշխատանքներ տանող գիտնականների հետ, որոնք «Տրանսպորտային ծրագրերի իրականացման կազմակերպություն» ՊՈԱԿ-ի առաջարկով ներգրավվել են Հյուսիս-հարավ մայրուղու շինարարության ընթացքում օգտագործվող ճանապարհաշինական ցեմենտի որակի բարելավմանն ուղղված աշխատանքներում։

Հիշեցնենք, որ Հյուսիս-հարավ ճանապարհային միջանցքի երկրորդ տրանշի շինարարությունն իրականացվում է Ասիական զարգացման բանկի կողմից հատկացված վարկային միջոցներով:

 

 

Վերջին նորությունները

Կենսական նշանակության ճանապարհների վերականգնման ծրագրի շրջանակներում 66 համայնքում իրականացվել է «Անվտանգ գյուղ» բաղադրիչը

18-09-2019

Մինչ այժմ Կենսական նշանակության ճանապարհացանցի բարելավման ծրագրի շրջանակներում «Անվտանգ գյուղ» բաղադրիչն իրականացվել է Հայաստանի 66 համայնքում: Ակնկալվում է ծրագրի շրջանակներում «Անվտանգ գյուղ» բաղադրիչում ընդգրկված համայնքների թիվը հասցնել 87-ի։

Կարդալ ավելին

Կապալառուների ներկայացուցիչների հետ քննարկվեցին բնապահպանական հարցեր

18-09-2019

Կենսական նշանակության ճանապարհների վերականգնման ընթացքում մեծ ուշադրություն է դարձվում բնապահպանական խնդիրներին, ուստի բոլոր կապալառու կազմակերպությունների բնապահպան կամ բնապահպանական խնդիրներով զբաղվող մասնագետների հետ իրականացվում են սեմինարներ։

Կարդալ ավելին

Մեծ Պարնիի և Ծաղկաբերի բնակիչները շուտով կերթևեկեն բարեկարգ ճանապարհով

13-09-2019

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը:

Կարդալ ավելին