Հստակեցվել են Բագրատաշենի նոր կամրջի կառուցման հետ կապված հարցերը

30-07-2018 12:19

Հուլիսի 27-28-ին «Տրանսպորտային ծրագրերի իրականացման կազմակերպություն» ՊՈԱԿ-ի պատվիրակությունը՝ գլխավոր տնօրենի պաշտոնակատար Վազգեն Պետրոսյանի գլխավորությամբ, այցելել է Թբիլիսի՝ Վրաստանի տարածաշրջանային զարգացման և ենթակառուցվածքի նախարարության Ճանապարհների դեպարտամենտի ներկայացուցիչների հետ քննարկելու Հայաստանի Հանրապետության և Վրաստանի միջև պետական սահմանի Սադախլո-Բագրատաշեն անցակետի տարածքում՝ Դեբեդ գետի վրա, «Բարեկամություն» կամրջի կառուցման մանրամասները։

Վրաստանի տարածաշրջանային զարգացման և ենթակառուցվածքի նախարարի առաջին տեղակալ, Ճանապարհների դեպարտամենտի ղեկավար Իրակլի Կարսելաձեի և կառույցի այլ ներկայացուցիչների հետ հայաստանյան պատվիրակներն արծարծել են ինչպես կամրջի շինարարության ծրագրի շրջանակներում համագործակցության մեխանիզմների, այնպես էլ իրականացման փուլի համար պահանջվող ամենօրյա աշխատանքների համակարգման և հաղորդակցության բարելավման խնդիրները։ Անդրադարձ է եղել նաև կամրջի նախագծման և շինարարական աշխատանքների մեկնարկի հետ կապված հարցերին (անհրաժեշտ թույլտվությունների ձեռքբերում, շինարարության համար անհրաժեշտ տարածքների, կանխավճարի տրամադրում և այլն), համաձայնեցվել է ձեռնարկվող միջոցառումների շրջանակը:

Վրացական կողմից ընթացիկ աշխատանքները համակարգելու է Ճանապարհների դեպարտամենտի փոխտնօրեն Լևան Կուպատաշվիլին, հայկական կողմից՝ «Տրանսպորտային ծրագրերի իրականացման կազմակերպություն» ՊՈԱԿ-ի Բագրատաշենի սահմանային հսկողության անցակետի նոր կամրջի շինարարության ծրագրի ղեկավար Աստղիկ Սահակյանը։

Երկու երկրների սահմանները միացնող նոր կամրջի շինարարությունը հայ-վրացական համատեղ ծրագիր է, կամրջի կառուցման աշխատանքները համակարգում է հայ-վրացական միջկառավարական համատեղ հանձնաժողովը, որը պետք է հաստատի կառուցման հետ կապված ցանկացած քայլ։ Այս համատեքստում առաջարկվել է ներդնել որոշակի մեխանիզմներ, որպեսզի աշխատանքներն ավելի արագ, ճկուն ու արդյունավետ լուծում ստանան։

Նշենք, որ նախատեսված է 7 ամիսների ընթացքում իրականացնել կամրջի նախագծումը, իսկ շինարարական աշխատանքները կտևեն մեկ տարի։ Նախագծման և շինարարական աշխատանքներն իրականացնելու է իրանական «Ariana Tunnel Dam Co.» ընկերությունը։

Բագրատաշենի նոր կամուրջն ունենալու է չորս երթևեկելի գոտի, որն ավելի դյուրին կդարձնի, կբարձրացնի երկու երկրների բեռնափոխադրումների և ուղևորափոխադրումների սպասարկման որակը, թույլ կտա խնայել ժամանակ, կապահովի անվտանգ ու հարմարավետ շարժ սահմանային անցակետերով։

 

Վերջին նորությունները

«Կոքս Քնսալթ ԳՄԲՀ» ընկերության հետ ստորագրվեց շինաշխատանքների տեխհսկողության ծառայությունների մատուցման պայմանագիր

21-05-2019

Տրանսպորտային ծրագրերի իրականացման կազմակերպության գլխավոր տնօրենի պաշտոնակատար Քրիստինե Ղալեչյանը շնորհավորեց գերմանական կազմակերպության ներկայացուցիչներին մրցույթում հաղթող ճանաչվելու համար։ Նա ընդգծեց, որ ճանապարհաշինությունը ՀՀ կառավարության առաջնահերթություններից է, և հանրապետությունում իրականացվող ճանապարհաշինական աշխատանքները գտնվում են գործադիր իշխանության ուշադրության կենտրոնում։

Կարդալ ավելին

Բացվել են տեխհսկողության ծառայությունների ձեռքբերման մրցույթի տեխնիկական գնահատման փուլն անցած կազմակերպությունների ֆինանսական առաջարկները

17-05-2019

Համաձայն ընթացակարգի՝ վերջնական գնահատումը կատարվելու է տեխնիկական և ֆինանսական առաջարկների համակցված գնահատման եղանակով, որի արդյուքնում հաղթող ճանաչված կազմակերպության ներկայացուցիչները կհրավիրվեն պայմանագրային բանակցությունների։

Կարդալ ավելին

Հանդիպում ճանապարհաշինարարների հետ. ճանապարհաշինության ընթացքում խիստ վերահսկողություն է իրականացվելու որակի նկատմամբ

16-05-2019

Ընդգծվեց շինարարության ընթացքում անվտանգ երթևեկության ապահովման կարևորությունը։ Նշվեց, որ բարձրացվել են նախագծերի իրականացման նկատմամբ պահանջները, ինչը կնպաստի շինարարության որակի բարելավմանը։

Կարդալ ավելին