Նորություններ և Հայտարարություններ

09-08-2018

«Սինոհիդրո» ընկերությանը հանձնարարվել է արագացնել շինաշխատանքների տեմպերի բարձրացմանն ուղղված քայլերը

Հանդիպման ընթացքում «Սինոհիդրո»-ի ներկայացուցիչները նշել են, որ դեռ իրականացվում են այդ առաջարկի փաստաթղթային ձևակերպման գործընթացները։ Աշոտ Հակոբյանն ընդգծել է, որ դա աշխատանքների ձգձգման արդարացում չէ, և հասարակությունն ակնկալում է տեսնել ոչ թե փաստաթղթային ձևակերպումներ, այլ իրականացվող շինարարություն։

08-08-2018

Վերականգնվում է Սյունիքի մարզի Դարբաս, Գետաթաղ, Լոր, Շենաթաղ համայնքներով անցնող կենսական նշանակության ճանապարհահատվածը

Շինարարական աշխատանքների ընթացքին ծանոթանալու նպատակով Սյունիքի մարզ մեկնած Տրանսպորտային ծրագրերի իրականացման կազմակերպության ներկայացուցիչները դիտարկեցին նաև 2016- 2017թթ. ընթացքում «Կենսական նշանակության ճանապարհային ցանցի բարելավման ծրագրի լրացուցիչ ֆինանսավորում» ծրագրի շրջանակներում վերականգնված՝ Սիսիան քաղաքով անցնող 5 կիլոմետրանոց ճանապարհահատվածը, որն այժմ գտնվում է երաշխիքային սպասարկման փուլում։ Շինարարին հանձնարարվեց վերացնել հայտնաբերված թերությունները։

06-08-2018 13:15

Վահրամաբերդ-Հովունի 6 կմ ճանապարհի հիմնանորոգումը կավարտվի ժամկետից շուտ

«Մերձմոսկովյան» ԲԲ ընկերության ղեկավար Արամ Ադամյանը նշեց, որ ամեն ինչ անելու են, որպեսզի աշխատանքներն ավարտեն պայմանագրով նախատեսված ժամկետից շուտ՝ մինչև նոր ուսումնական տարվա մեկնարկը, և աշակերտներն ու ուսուցիչները դպրոց գնան բարեկարգ ճանապարհով։

03-08-2018 9:4

Պարզաբանում «Սաբա» ընկերության հետ կապված

«Սաբա» ընկերությունը հիշեցվել է ՀՀ օրենսդրության պահանջները կատարելու իր պարտականության մասին

01-08-2018 12:50

Պատասխան՝ ՀՅԴ բյուրոյի տնտեսական հետազոտությունների գրասենյակի բաց նամակին

ՀՅԴ Բյուրոյի տնտեսական հետազոտությունների գրասենյակի ներկայացուցիչներին ևս առաջարկում ենք ներգրավվել նախարարին կից ձևավորվելիք հարթակում, մասնակից դառնալ նախարարության, այդ թվում՝ «Հյուսիս-հարավ» ծրագրին առնչվող գործընթացներին։

30-07-2018 13:42

ԱԶԲ հայտարարությունը Հյուսիս-հարավ ճանապարհի շինարարության վերաբերյալ

Որպես Հյուսիս-հարավ ճանապարհային միջանցքի ծրագրերը ֆինանսավորող՝ ՀՀ կառավարության գործընկեր ԱԶԲ-ը մշտադիտարկում է ծրագրի իրականացման ընթացքը և խորհուրդներ է տալիս Բանկի ուղեցույցների համաձայն:

30-07-2018 12:19

Հստակեցվել են Բագրատաշենի նոր կամրջի կառուցման հետ կապված հարցերը

Հուլիսի 27-28-ին «Տրանսպորտային ծրագրերի իրականացման կազմակերպություն» ՊՈԱԿ-ի պատվիրակությունը՝ գլխավոր տնօրենի պաշտոնակատար Վազգեն Պետրոսյանի գլխավորությամբ, այցելել է Թբիլիսի՝ Վրաստանի տարածաշրջանային զարգացման և ենթակառուցվածքի նախարարության Ճանապարհների դեպարտամենտի ներկայացուցիչների հետ քննարկելու Հայաստանի Հանրապետության և Վրաստանի միջև պետական սահմանի Սադախլո-Բագրատաշեն անցակետի տարածքում՝ Դեբեդ գետի վրա, «Բարեկամություն» կամրջի կառուցման մանրամասները։

27-07-2018 11:18

Ասիական զարգացման բանկի ներկայացուցիչն այցելել է բանկի ֆինանսավորմամբ հիմնանորոգվող և կառուցվող ճանապարհահատվածներ

Եվս մեկ անգամ շեշտվեց, որ Հյուսիս-հարավ նախագիծը հանրության, իշխանությունների մշտական ուշադրության կենտրոնում է, և ՀՀ վարչապետի, տրանսպորտի, կապի, տեղեկատվական տեխնոլոգիաների նախարարության և Տրանսպորտային ծրագրերի իրականացման կազմակերպության պահանջն է կապալառու կազմակերպությունից՝ իրականացնել որակյալ աշխատանքներ սահմանված ժամկետներում։

25-07-2018 15:18

«Սինոհիդրո» ընկերությանը հանձնարարվել է շատ կարճ ժամկետներում բարելավել աշխատանքները

Նախարարի առաջին կանգառը 1200մ արդեն փռված փորձնական բետոնի տեղամասում էր։ «Սպեա Ինջեներիա Եվրոպեա և ԱյԱրԴի Ինջինիերինգ կոնսորցիում» ընկերության պատասխանատուները, մանրամասնելով իրավիճակը, նշեցին, որ որակի թեստավորման արդյունքներով փորձնական բետոնապատումը չի համապատասխանում առաջադրված ստանդարտներին և ենթակա է քանդման։ Չինական կողմը ևս ընդունում է, որ անորակ աշխատանք է կատարվել։ Ուստի, առաջիկայում այն կքանդվի, և աշխատանքներ կտարվեն նոր, որակով բետոնապատում կատարելու ուղղությամբ։

23-07-2018 9:12

Շինարարների հետ քննարկվել է Լոռու և Տավուշի մարզերի ճանապարհաշինական աշխատանքների ընթացքը

Ճանապարհաշինական աշխատանքներ իրականացնող կազմակերպությունների ներկայացուցիչները Տրանսպորտային ծրագրերի իրականացման կազմակերպության ղեկավար Վազգեն Պետրոսյանին ներկայացրին մի շարք խնդիրներ։

18-07-2018 19:45

Լրագրողներն այցելել են Հյուսիս-հարավ ավտոճանապարհ. բարձրացվում է ծրագրի հաշվետվողականությունը քաղաքացիների առջև

Նախարար Հակոբյանը նշեց, որ հանդիպման նպատակը մեկն է` նոր էջ բացել «Հյուսիս-հարավ ճանապարհային միջանցքի» ներդրումային ծրագրի իրականացման դաշտում: Նախարարությունը մտադրված է Հյուսիս-հարավ ծրագիրը դարձնել թափանցիկ և բարձրացնել հաշվետվողականությունը քաղաքացիների առջև:

13-07-2018 9:14

Ի գիտություն ԶԼՄ-ների և ՀԿ-ների ներկայացուցիչների

Այցի շրջանակներում նախատեսվում է նաև ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանի մամուլի ասուլիսը։ Նախարարը կներկայացնի «Հյուսիս-հարավ ճանապարհային միջանցքի ներդրումային ծրագրի» մանրամասները, կպատասխանի լրագրողների հարցերին։